Dövlət bankı ABB-nin Müşahidə Şurasının tərkibində dəyişiklik baş verib.
GDP Media xəbər verir ki, bu barədə səhmdarların Ümumi Yığıncağında qərar qəbul edilib.
Qərara əsasən, maliyyə sahəsində böyük təcrübəyə sahib Azər Əliyev Əmiraslan oğlu Müşahidə Şurasının müstəqil üzvü seçilib.Hazırda bankın Müşahidə Şurasında sədrlə birlikdə yeddi üzv var, bunun üçü müstəqil üzvdür.Azər Əliyev 1979-cu ildə anadan olub. Azərbaycan Texniki Universitetini Menecment ixtisası üzrə magistr dərəcəsi ilə bitirib. “University of Oxford Saïd Business School”da maliyyə strategiyası üzrə magistr dərəcəsi alıb. İqtisadiyyat üzrə fəlsəfə doktorudur.Azərbaycan Mərkəzi Bankında baş iqtisadçı və qrup rəhbəri vəzifələrində çalışıb. “International Finance Corporation”da biznesin inkişafı üzrə menecer, “Atəşgah Sığorta Qrupu”nda baş maliyyə inzibatçısı və İdarə Heyətinin üzvü olub, “Atəşgah Həyat Sığorta Şirkəti”nin İdarə Heyətinin sədri (davam edir), “Azərbaycan Triatlon Federasiyası”nın vitse-prezidenti vəzifələrində çalışıb.
