GDPaz.az -

SOFAZ gələn il IFSWF-yə sədrlik edəcək – IFSWF-in Proqram Direktoru Eline S açıqlayıb

May 14, 2026

Beynəlxalq Sərvət Fondları Forumunun (IFSWF) Proqram Direktoru Eline S. keçən həftə Bakıda Azərbaycan Dövlət Neft Fonduna (SOFAZ) səfər edib. İki gün ərzində SOFAZ-ın icraçı direktoru, onun müavini, həmçinin investisiya, risk, kommunikasiya, strateji layihələr və HR komandaları ilə görüşlər keçirilib. GDP Media xəbər verir ki, Eline S. sosial media hesabında paylaşdığı açıqlamada SOFAZ-da institusional düşüncənin dərinliyindən heyran qaldığını vurğulayıb. Onun sözlərinə görə, bu, portfel davamlılığı, ESG inteqrasiyası, istedadların inkişafı və uzunmüddətli mandatın ictimaiyyətə çatdırılması kimi məsələləri əhatə edir. Qeyd edilib ki, Azərbaycan SOFAZ-ı 1999-cu ildə yaradıb, 2009-cu ildə IFSWF-nin təsis iclasına ev sahibliyi edib və Santiago Prinsiplərinin hazırlanmasına töhfə verib. SOFAZ gələn il IFSWF-yə sədrlik etməyə hazırlaşır. Eline S. göstərilən qonaqpərvərliyə görə minnətdarlığını bildirib və gələcək səfərləri, həmçinin digər IFSWF üzvlərini ziyarət etməyi səbirsizliklə gözlədiyini qeyd edib.

Oxumağa davam edin

Biznes İqtisadiyyat

Sahibkarlar üçün fürsət: Qubada böyük sammit

May 13, 2026

Mayın 2-də Qubada “Regional biznesin inkişafı və rəqəmsallaşma” Sammiti baş tutacaq. GDP Media xəbər verir ki, tədbirin əsas məqsədi ölkənin şimal-şərq regionunun iqtisadi potensialının artırılması, yerli sahibkarların dəstəklənməsi və rəqəmsal transformasiyanın təşviq edilməsidir. Sammit MÜSİAD Azerbaijan, TECHERA və “Quba Sahibkarlarına Dəstək” platformasının (QİAD) birgə təşkilatçılığı, Kiçik və Orta Biznesin İnkişafı Agentliyinin (KOBİA), Azərbaycan Sahibkarlar Konfederasiyasının, Azərbaycan Fintech Assosiasiyasının və ADPU-nun Quba filialının rəsmi tərəfdaşlığı ilə reallaşacaq. Tədbir çərçivəsində “Regional Expo” sərgisi və B2B görüşləri təşkil olunacaq. Bu platformalar vasitəsilə 100-dən çox müəssisə arasında tərəfdaşlıq əlaqələrinin qurulmasına şərait yaradılacaq. Sammitin xüsusi bölməsi olan “Texnologiya və rəqəmsal zona”da iştirakçılara İT həlləri, elektron ticarət layihələri və istehsalın avtomatlaşdırılması alətləri nümayiş etdiriləcək. Maliyyə resurslarına əlçatanlığı artırmaq məqsədilə sahibkarlara güzəştli kreditləşmə və mikrobiznesin dəstəklənməsi proqramları barədə geniş məlumat veriləcək. Bundan əlavə, sammitin proqramına gənc mütəxəssislər və sahibkarlar üçün xüsusi mentor sessiyaları daxil edilib. Həmin sessiyalarda təcrübəli mütəxəssislər tərəfindən praktiki biliklərin ötürülməsi nəzərdə tutulur. Tədbirdə iştirak etmək istəyənlər aşağıdakı link vasitəsilə qeydiyyatdan keçə bilərlər:https://shorturl.at/19YCl

Oxumağa davam edin

Digər Dünya

McKinsey: 2030-cu ilədək data-mərkəzlərinə yönələn 5,2 trilyon dollar İİ yüklərinin xidmətinə ayrılacaq

May 13, 2026

McKinsey konsaltinq şirkətinin hesablamalarına görə, 2030-cu ilə qədər data-mərkəzlərinə ediləcək ümumi investisiyaların həcmi 6,7 trilyon dollar təşkil edəcək. B GDP Media xəbər verir ki, bunun 5,2 trilyon dolları (yəni investisiyaların təxminən 78%-i) süni intellekt (İİ) yüklərinə xidmət göstərilməsi üçün istifadə olunacaq. Hesabatda qeyd edilir ki, generativ süni intellekt iqtisadiyyatında əsas xərc mənbəyi inferans prosesidir – yəni modelin istifadəçilərə cavablar yaratması. Modelin bütün həyat dövrü ərzində hesablama resurslarının 90%-ə qədəri məhz inferansa sərf olunur.

Oxumağa davam edin

Bank Banklar

Türkiyə İranla müharibə fonunda valyuta ehtiyatlarını rekord sürətlə tükəndirir

May 13, 2026

Bloomberg agentliyinin məlumatına görə, Türkiyənin valyuta ehtiyatları mart ayında 43,4 milyard dollar azalıb. GDP Media xəbər bu, bütün müşahidə tarixində ən böyük aylık düşüşdür. Valyuta ehtiyatlarının bu həcmdə azalmasının əsas səbəbi İranla müharibə fonunda inkişaf edən bazar aktivlərinin satışı və Türkiyə lirəsinə artan təzyiqdir. Eyni zamanda, ölkənin cari hesab kəsiri də nəzərəçarpacaq dərəcədə artıb. Mart ayında bu göstərici əvvəlki aydakı 7,3 milyard dollardan 9,7 milyard dollara yüksəlib. İqtisadiyyata güclü zərbə vuran digər amil neft və qaz qiymətlərinin kəskin artımıdır. Bu fonda bəzi beynəlxalq banklar Türkiyə lirəsi və ümumi iqtisadiyyatla bağlı proqnozlarını pisləşdirirlər. Türkiyə Mərkəzi Bankı faiz dərəcəsini rəsmi olaraq 37% səviyyəsində saxlasa da, faktiki olaraq siyasətini sərtləşdirib. Bank daha bahalı kreditləşməyə keçərək faizi 40%-ə çatdırıb. Aprel ayında inflyasiya 32,4%-ə qədər sürətlənib. İqtisadçılar 2026-cı ilin sonu üçün inflyasiya proqnozunun yüksəldiləcəyini gözləyirlər.

Oxumağa davam edin

Banklar

EBRD Gəncə üçün 120 milyon avroluq ikinci kreditin ayrılması üzərində işləyir

May 13, 2026

Hazırda Avropa Yenidənqurma və İnkişaf Bankı (EBRD) Gəncədə su təchizatı və kanalizasiya sistemlərinin modernləşdirilməsi üçün nəzərdə tutulan 120 milyon avro həcmində ikinci kreditin ayrılmasına hazırlıq işlərini aparır. GDP Medi xəbər verir ki, bu barədə EBRD-nin Türkiyə və Qafqaz üzrə idarəedici direktoru Elizabetta Falçetti bildirib. E. Falçetti qeyd edib ki, Azərbaycan EBRD-nin “Yaşıl şəhərlər” proqramında mühüm yer tutur. “Gəncədə biz “Yaşıl şəhər” Fəaliyyət Planının hazırlanmasına – ölkənin əhali sayına görə ikinci böyük şəhərində ekoloji cəhətdən daha sağlam, dayanıqlı və daha rahat yaşayış mühitinin formalaşdırılmasına yönəlmiş uzunmüddətli strategiyanın hazırlanmasına dəstək veririk. Eyni zamanda, biz bərk məişət tullantılarının idarə edilməsi, küçə işıqlandırmasının modernləşdirilməsi və su infrastrukturunun inkişafı sahəsində kapital qoyuluşlarına töhfə veririk. Hazırkı mərhələdə proqram planlaşdırma mərhələsindən praktiki icra fazasına keçid edir. 35 milyon avro məbləğində ilk kredit sazişinin imzalanmasının ardınca Gəncədə su təchizatı və kanalizasiya sistemlərinin modernləşdirilməsi üçün nəzərdə tutulan 120 milyon avroluq kreditin ayrılmasına hazırlıq gedir. İnvestisiya proqramı təxminən 410 milyon avro məbləğində qiymətləndirilir ki, bu da qarşıya qoyulmuş vəzifələrin miqyasından xəbər verir”, – EBRD-nin idarəedici direktoru deyib. E. Falçetti vurğulayıb ki, EBRD həmçinin Gəncədən kənarda da dayanıqlı infrastruktur layihələrini maliyyələşdirmək niyyətindədir. “Xüsusilə, bu il Şəkidə su təchizatı, çirkab və yağış suları infrastrukturunun inşası və bərpası üçün 91 milyon avro məbləğində kredit sazişinin imzalanması planlaşdırılır. Bakıda və Abşeron yarımadasının ərazisində 3 milyondan çox sakinə xidmət göstərən su təchizatı sisteminin təkmilləşdirilməsi layihəsinin texniki-iqtisadi əsaslandırılmasının hazırlanmasına başlanılıb. Paralel olaraq bankın paytaxtda uzun müddət çirklənməyə məruz qalmış ərazilərin bərpasında iştirakı imkanları araşdırılır. Məqsəd ekoloji cəhətdən zərər çəkmiş ərazilərin yerli icmalar və investisiyalar üçün daha sağlam və cəlbedici məkanlara çevrilməsinə şərait yaratmaqdır”, – o əlavə edib.

Oxumağa davam edin

İqtisadiyyat Neft-qaz

Azərbaycanda neft hasilatı apreldə bir qədər artıb-OPEC

May 13, 2026

Neft İxrac Edən Ölkələr Təşkilatı (OPEC) bu ilin aprel ayında Azərbaycanda orta gündəlik xam neft hasilatının 460 min barel təşkil etdiyini açıqlayıb. GDP Media OPEC-in aylıq hesabatına istinadən verdiyi məlumata görə, bu rəqəm mart ayı ilə müqayisədə 3 min barel çoxdur. Belə ki, mart ayında sutkalıq neft hasilatı 457 min barel olub. Hesabatda həmçinin qeyd edilib ki, ölkədə gündəlik ortalama neft hasilatı bu ilin birinci rübündə 454 min barel səviyyəsində qeydə alınıb. 2025-ci ildə isə Azərbaycanda gündəlik neft hasilatı orta hesabla 461 min barel təşkil edib.

Oxumağa davam edin

Bank Mərkəzi Bank

Özbəkistan və Azərbaycan Mərkəzi Bankları pul siyasəti təcrübəsini müzakirə edib

May 13, 2026

Özbəkistan Mərkəzi Bankı mayın 4-dən 8-dək Azərbaycan Respublikasının Mərkəzi Bankının nümayəndə heyəti ilə bir sıra işçi görüşləri keçirib. GDP Media xəbər verir ki, görüşlərin əsas mövzusu pul siyasəti sahəsində təcrübə mübadiləsi olub. Səfərin məqsədi hər iki qurumun ekspertlərini müasir mərkəzi bankçılığın əsasları ətrafında açıq dialoqa cəlb etmək və gələcək peşəkar əməkdaşlıq üçün zəmin yaratmaqdan ibarət olub. Görüşlər çərçivəsində tərəflər müasir pul siyasəti çərçivələrinin dizaynı və tətbiqi ilə bağlı dərin müzakirələr aparıb, öz yanaşmalarını, alətlərini və toplanmış praktiki təcrübələrini bölüşüblər. Görüşün yekununda tərəflər müntəzəm dialoqun davam etdirilməsi və gələcəkdə birgə təşəbbüslər vasitəsilə əməkdaşlığın daha da gücləndirilməsi barədə razılıq əldə ediblər.

Oxumağa davam edin

Birja Qlobal birjalar

Brent ucuzlaşır, WTI isə bahalaşır

May 13, 2026

Brent və WTI markalı neftin qiymətləri çərşənbə axşamı müxtəlif istiqamətlərdə hərəkət edir. GDP Media xəbər verir ki, Londonun ICE Futures birjasında iyul ayı üçün Brent fyuçersləri Bakı vaxtı ilə saat 18:03-a olan məlumata görə 0,19 dollar (0,18%) ucuzlaşaraq barrel üçün 107,58 ABŞ olları təşkil edir.d Eyni zamanda, Nyu-York Əmtəə Birjasında iyun ayı üzrə WTI nefti fyuçersləri bu vaxta qədər qiymətdə 0,86 dollar (0,84%) artaraq barrel üçün 103,04 ABŞ dolları səviyyəsinə yüksəlib.

Oxumağa davam edin

İqtisadiyyat Neft-qaz

Rövşən Nəcəf Daşkənddə OGU-2026 sərgi-konfransında iştirak edib, bp ilə “Üstyurt” layihəsi üzrə sənədlər imzalanıb

May 13, 2026

SOCAR-ın prezidenti Rövşən Nəcəf Özbəkistanın paytaxtı Daşkənd şəhərində keçirilən “Özbəkistanın nefti və qazı (OGU-2026)” 28-ci beynəlxalq sərgi-konfransında iştirak edib. GDP Media xəbər verir ki, tədbir çərçivəsində Özbəkistan Respublikasının Prezidenti Şavkat Mirziyoyev SOCAR-ın prezidenti Rövşən Nəcəfi, bp şirkətinin baş vitse-prezidenti Ariel Floresi və bp-nin Azərbaycan, Gürcüstan və Türkiyə üzrə regional prezidenti Ciovanni Kristofolini qəbul edib. Görüşdə Rövşən Nəcəf dövlət başçısına Azərbaycan Prezidenti İlham Əliyevin salamlarını və ən xoş arzularını çatdırıb. Şavkat Mirziyoyev isə salamlarına görə minnətdarlığını bildirərək, öz salamlarını Azərbaycan Prezidentinə çatdırmağı xahiş edib.Sərgi-konfrans çərçivəsində SOCAR-ın prezidenti Rövşən Nəcəf bp rəhbərləri ilə birlikdə Özbəkistanın energetika naziri Jurabek Mirzamahmudov və “Uzbekneftegaz” ASC İdarə Heyətinin sədri Abdugani Sanginov ilə üçtərəfli görüşlər keçirib. Görüşlərdə Azərbaycan və Özbəkistan prezidentlərinin müəyyənləşdirdiyi uzaqgörən siyasətə uyğun olaraq “Üstyurt” layihəsinin uğurla həyata keçirildiyi vurğulanıb. Tərəflər “Üstyurt” investisiya blokları üzrə kəşfiyyat, işlənmə və hasilat fəaliyyətlərinin icrası, habelə əməkdaşlığın genişləndirilməsi məsələlərini müzakirə ediblər.Üçtərəfli görüşlərdən sonra bp şirkətinin “Üstyurt” investisiya bloklarının kəşfiyyatı, işlənməsi və hasilatı üzrə Pay Bölgüsü Sazişinə qoşulmasına dair sənədlər imzalanıb. Bundan başqa, Rövşən Nəcəf “MOL Group” şirkətinin icraçı vitse-prezidenti Zsombor Marton ilə görüşündə şirkətlər arasında uzunmüddətli tərəfdaşlıq münasibətlərindən məmnunluq ifadə edib, birgə həyata keçirilən layihələrin icra vəziyyətini nəzərdən keçirib.SOCAR-ın prezidenti OGU-2026 sərgisi ilə də tanış olub. SOCAR sərgidə öz pavilyonu ilə təmsil olunur. Stenddə şirkətin müxtəlif fəaliyyət istiqamətləri, Azərbaycanda və xarici ölkələrdə həyata keçirilən əməliyyatlar, neft və qaz boru kəmərləri sistemi, yaşıl enerji təşəbbüsləri, rəqəmsal həllər və digər strateji layihələr haqqında məlumatlar ziyarətçilərə təqdim olunur. Qeyd edək ki, SOCAR-ın pavilyonu OGU-2026 beynəlxalq sərgisində “Ən Yaxşı Milli Stend Dizaynı” nominasiyası üzrə mükafata layiq görülüb.

Oxumağa davam edin

İqtisadiyyat

Maliyyə dayanıqlığı gücləndirilir: banklarda stres-testlərin aparılması Qaydası təsdiq edilib

May 13, 2026

Azərbaycan Respublikası Mərkəzi Bankının İdarə Heyəti “2024 – 2026-cı illərdə maliyyə sektorunun inkişaf Strategiyası”ndan irəli gələrək, bank sektorunda maliyyə dayanıqlılığının gücləndirilməsi və beynəlxalq tənzimləmə standartlarına uyğunluğun artırılması məqsədilə “Banklarda stres-testlərin aparılması Qaydası”nı təsdiq edib. GDP Media xəbər verir ki, Mərkəzi Bankdan verilən məlumata görə, yeni Qayda mütərəqqi beynəlxalq təcrübə, o cümlədən Bazel Komitəsinin və Avropa Bank Nəzarəti Orqanının prinsipləri nəzərə alınmaqla hazırlanıb. Bununla yanaşı, həmin Qaydaya uyğunlaşdırma məqsədilə korporativ idarəetmə, kredit, likvidlik, əməliyyat və bazar risklərinin idarə edilməsi üzrə qaydalarda da dəyişikliklər təsdiq edilib. Yeni tənzimləmədə banklarda stres-testləşmənin əsas prinsipləri və proqramların tərkibi, modelləşdirmə üsulları və modellərin validasiyası tələbləri, həssaslıq və ssenari təhlillərinin əhatəsi, əsas risk növləri (likvidlik, kredit, bazar və əməliyyat) üzrə stres-testlərə, risklərarası qarşılıqlı təsirlərə, habelə nəticələrin Mərkəzi Banka hesabatlılıq məsələlərinə dair tələblər öz əksini tapıb.Qayda həmçinin bank daxilində və nəzarət prosesi çərçivəsində stres-test modelinin keyfiyyətinin və adekvatlığının qiymətləndirilməsinin təşkili üçün istifadə edilə biləcək sualları da əhatə edir. Mərkəzi Bankın qiymətləndirməsinə görə, yeni Qayda stres-testlərin keçirilməsi və nəticələrin qiymətləndirilməsi üzrə vahid və sistematik tənzimləmə çərçivəsi yaratmaqla, bankların fərdi dayanıqlılığının və bütövlükdə sektorun riskə davamlılığının kompleks qiymətləndirilməsini təmin edəcək.Təsdiq edilmiş dəyişikliklərə link vasitəsilə baxmaq mümkündür.

Oxumağa davam edin

GDPaz.az

Or check our Popular Categories...

GDPaz.az

Or check our Popular Categories...

Xəbər Lenti

Manşet

Xəbərlər