Ca. May 14th, 2026
Ca. May 14th, 2026
Bank Mərkəzi Bank
SOFAZ gələn il IFSWF-yə sədrlik edəcək – IFSWF-in Proqram Direktoru Eline S açıqlayıb
SOFAZ gələn il IFSWF-yə sədrlik edəcək – IFSWF-in Proqram Direktoru Eline S açıqlayıb
  • May 14, 2026

Beynəlxalq Sərvət Fondları Forumunun (IFSWF) Proqram Direktoru Eline S. keçən həftə Bakıda Azərbaycan Dövlət Neft Fonduna (SOFAZ) səfər edib. İki gün ərzində SOFAZ-ın icraçı direktoru, onun müavini, həmçinin investisiya, risk, kommunikasiya, strateji layihələr və HR komandaları ilə görüşlər keçirilib. GDP Media xəbər verir ki, Eline S. sosial media hesabında paylaşdığı açıqlamada SOFAZ-da institusional düşüncənin dərinliyindən heyran qaldığını vurğulayıb. Onun sözlərinə görə, bu, portfel davamlılığı, ESG inteqrasiyası, istedadların inkişafı və uzunmüddətli mandatın ictimaiyyətə çatdırılması kimi məsələləri əhatə edir. Qeyd edilib ki, Azərbaycan SOFAZ-ı 1999-cu ildə yaradıb, 2009-cu ildə IFSWF-nin təsis iclasına ev sahibliyi edib və Santiago Prinsiplərinin hazırlanmasına töhfə verib. SOFAZ gələn il IFSWF-yə sədrlik etməyə hazırlaşır. Eline S. göstərilən qonaqpərvərliyə görə minnətdarlığını bildirib və gələcək səfərləri, həmçinin digər IFSWF üzvlərini ziyarət etməyi səbirsizliklə gözlədiyini qeyd edib.

Oxumağa davam edin
Bank Banklar
Türkiyə İranla müharibə fonunda valyuta ehtiyatlarını rekord sürətlə tükəndirir
Türkiyə İranla müharibə fonunda valyuta ehtiyatlarını rekord sürətlə tükəndirir
  • May 13, 2026

Bloomberg agentliyinin məlumatına görə, Türkiyənin valyuta ehtiyatları mart ayında 43,4 milyard dollar azalıb. GDP Media xəbər bu, bütün müşahidə tarixində ən böyük aylık düşüşdür. Valyuta ehtiyatlarının bu həcmdə azalmasının əsas səbəbi İranla müharibə fonunda inkişaf edən bazar aktivlərinin satışı və Türkiyə lirəsinə artan təzyiqdir. Eyni zamanda, ölkənin cari hesab kəsiri də nəzərəçarpacaq dərəcədə artıb. Mart ayında bu göstərici əvvəlki aydakı 7,3 milyard dollardan 9,7 milyard dollara yüksəlib. İqtisadiyyata güclü zərbə vuran digər amil neft və qaz qiymətlərinin kəskin artımıdır. Bu fonda bəzi beynəlxalq banklar Türkiyə lirəsi və ümumi iqtisadiyyatla bağlı proqnozlarını pisləşdirirlər. Türkiyə Mərkəzi Bankı faiz dərəcəsini rəsmi olaraq 37% səviyyəsində saxlasa da, faktiki olaraq siyasətini sərtləşdirib. Bank daha bahalı kreditləşməyə keçərək faizi 40%-ə çatdırıb. Aprel ayında inflyasiya 32,4%-ə qədər sürətlənib. İqtisadçılar 2026-cı ilin sonu üçün inflyasiya proqnozunun yüksəldiləcəyini gözləyirlər.

Oxumağa davam edin
Banklar
EBRD Gəncə üçün 120 milyon avroluq ikinci kreditin ayrılması üzərində işləyir
EBRD Gəncə üçün 120 milyon avroluq ikinci kreditin ayrılması üzərində işləyir
  • May 13, 2026

Hazırda Avropa Yenidənqurma və İnkişaf Bankı (EBRD) Gəncədə su təchizatı və kanalizasiya sistemlərinin modernləşdirilməsi üçün nəzərdə tutulan 120 milyon avro həcmində ikinci kreditin ayrılmasına hazırlıq işlərini aparır. GDP Medi xəbər verir ki, bu barədə EBRD-nin Türkiyə və Qafqaz üzrə idarəedici direktoru Elizabetta Falçetti bildirib. E. Falçetti qeyd edib ki, Azərbaycan EBRD-nin “Yaşıl şəhərlər” proqramında mühüm yer tutur. “Gəncədə biz “Yaşıl şəhər” Fəaliyyət Planının hazırlanmasına – ölkənin əhali sayına görə ikinci böyük şəhərində ekoloji cəhətdən daha sağlam, dayanıqlı və daha rahat yaşayış mühitinin formalaşdırılmasına yönəlmiş uzunmüddətli strategiyanın hazırlanmasına dəstək veririk. Eyni zamanda, biz bərk məişət tullantılarının idarə edilməsi, küçə işıqlandırmasının modernləşdirilməsi və su infrastrukturunun inkişafı sahəsində kapital qoyuluşlarına töhfə veririk. Hazırkı mərhələdə proqram planlaşdırma mərhələsindən praktiki icra fazasına keçid edir. 35 milyon avro məbləğində ilk kredit sazişinin imzalanmasının ardınca Gəncədə su təchizatı və kanalizasiya sistemlərinin modernləşdirilməsi üçün nəzərdə tutulan 120 milyon avroluq kreditin ayrılmasına hazırlıq gedir. İnvestisiya proqramı təxminən 410 milyon avro məbləğində qiymətləndirilir ki, bu da qarşıya qoyulmuş vəzifələrin miqyasından xəbər verir”, – EBRD-nin idarəedici direktoru deyib. E. Falçetti vurğulayıb ki, EBRD həmçinin Gəncədən kənarda da dayanıqlı infrastruktur layihələrini maliyyələşdirmək niyyətindədir. “Xüsusilə, bu il Şəkidə su təchizatı, çirkab və yağış suları infrastrukturunun inşası və bərpası üçün 91 milyon avro məbləğində kredit sazişinin imzalanması planlaşdırılır. Bakıda və Abşeron yarımadasının ərazisində 3 milyondan çox sakinə xidmət göstərən su təchizatı sisteminin təkmilləşdirilməsi layihəsinin texniki-iqtisadi əsaslandırılmasının hazırlanmasına başlanılıb. Paralel olaraq bankın paytaxtda uzun müddət çirklənməyə məruz qalmış ərazilərin bərpasında iştirakı imkanları araşdırılır. Məqsəd ekoloji cəhətdən zərər çəkmiş ərazilərin yerli icmalar və investisiyalar üçün daha sağlam və cəlbedici məkanlara çevrilməsinə şərait yaratmaqdır”, – o əlavə edib.

Oxumağa davam edin
Bank Mərkəzi Bank
Özbəkistan və Azərbaycan Mərkəzi Bankları pul siyasəti təcrübəsini müzakirə edib
Özbəkistan və Azərbaycan Mərkəzi Bankları pul siyasəti təcrübəsini müzakirə edib
  • May 13, 2026

Özbəkistan Mərkəzi Bankı mayın 4-dən 8-dək Azərbaycan Respublikasının Mərkəzi Bankının nümayəndə heyəti ilə bir sıra işçi görüşləri keçirib. GDP Media xəbər verir ki, görüşlərin əsas mövzusu pul siyasəti sahəsində təcrübə mübadiləsi olub. Səfərin məqsədi hər iki qurumun ekspertlərini müasir mərkəzi bankçılığın əsasları ətrafında açıq dialoqa cəlb etmək və gələcək peşəkar əməkdaşlıq üçün zəmin yaratmaqdan ibarət olub. Görüşlər çərçivəsində tərəflər müasir pul siyasəti çərçivələrinin dizaynı və tətbiqi ilə bağlı dərin müzakirələr aparıb, öz yanaşmalarını, alətlərini və toplanmış praktiki təcrübələrini bölüşüblər. Görüşün yekununda tərəflər müntəzəm dialoqun davam etdirilməsi və gələcəkdə birgə təşəbbüslər vasitəsilə əməkdaşlığın daha da gücləndirilməsi barədə razılıq əldə ediblər.

Oxumağa davam edin
Bank Mərkəzi Bank
Mərkəzi Bank və AİB maliyyə sektorunda əməkdaşlıq imkanlarını müzakirə edib
Mərkəzi Bank və AİB maliyyə sektorunda əməkdaşlıq imkanlarını müzakirə edib
  • May 13, 2026

Mərkəzi Bankın sədrinin birinci müavini Əliyar Məmmədyarov Asiya İnkişaf Bankının (AİB) Sektorlar üzrə 3-cü departamentinin baş direktoru Kristin Enqstromun rəhbərlik etdiyi nümayəndə heyəti ilə görüşüb. GDP Media xəbər verir ki,görüş çərçivəsində Mərkəzi Bank və AİB arasında mövcud əməkdaşlığın cari vəziyyəti, maliyyə sektorunda həyata keçirilən islahatlar, yaşıl maliyyələşmə, eləcə də maliyyə sektorunun inkişafını dəstəkləyən birgə təşəbbüslər müzakirə olunub. Həmçinin tərəflər arasında əlaqələrin inkişafı və texniki yardım imkanları ilə bağlı ətraflı fikir mübadiləsi aparılıb.

Oxumağa davam edin
Bank Fintexlər
“BirMarket”in rəhbəri Samir Məmmədov: “Lökbatandakı yanğın BirMarket-ə maddi ziyan vursa da, işimiz yeni anbarda bərpa olunub”
“BirMarket”in rəhbəri Samir Məmmədov: “Lökbatandakı yanğın BirMarket-ə maddi ziyan vursa da, işimiz yeni anbarda bərpa olunub”
  • May 13, 2026

“Bir Ecosystem”in tərkibində fəaliyyət göstərən “BirMarket”in Lökbatan qəsəbəsində yerləşən anbarında baş vermiş yanğından sonra şirkət fəaliyyətini yeni anbarda davam etdirir. GDP Media xəbər verir ki, bu barədə “BirMarket”in baş icraçı direktoru Samir Məmmədov məlumat verib. Onun sözlərinə görə, hadisə zamanı Azərbaycan Respublikasının Fövqəladə Hallar Nazirliyi əməkdaşlarının çevik müdaxiləsi nəticəsində yanğının qarşısı alınıb. Şirkət rəhbəri bildirib ki, baş verən hadisə nəticəsində “BirMarket” müəyyən maddi zərərə məruz qalsa da, komanda qısa müddətdə səfərbər olunaraq müştərilərin zərər çəkməməsi üçün operativ tədbirlər həyata keçirib. “Hazırda malların transferi təşkil olunub və fəaliyyətimizi yeni anbarımızda ştat rejimində davam etdiririk”, – deyə S.Məmmədov qeyd edib. O, yanğından sonra intensiv çalışan logistika, məhsul və kateqoriya komandalarına, həmçinin “Bir Ecosystem” təhlükəsizlik komandasına təşəkkürünü bildirib. Şirkət rəhbəri dəstəyə görə Rövşən Allahverdiyev və PASHA Holding-ə minnətdarlığını ifadə edib. Bununla yanaşı, “BirMarket” rəhbəri tərəfdaş şirkətlərin də mənəvi dəstəyini xüsusi vurğulayıb. O, xüsusilə Baku Electronics və Kontakt Home-un göstərdiyi dəstəyin əhəmiyyətini qeyd edib. Samir Məmmədov yanğından zərər çəkən bütün tərəfdaşlara “keçmiş olsun” diləklərini çatdıraraq, onların fəaliyyətlərini qısa müddətdə tam bərpa etmələrini arzulayıb.

Oxumağa davam edin
Bank Mərkəzi Bank
Manat qarşısında avro və funt ucuzlaşdı – rəsmi məzənnələr açıqlandı
Manat qarşısında avro və funt ucuzlaşdı – rəsmi məzənnələr açıqlandı
  • May 13, 2026

Azərbaycan Mərkəzi Bankının 12 may və 13 may 2026-cı il tarixləri üzrə açıqladığı rəsmi valyuta məzənnələrində ötən günə nisbətən əksər xarici valyutalarda və bəzi bank metallarında ucuzlaşma müşahidə olunub. GDP Media xəbər verir ki, ABŞ dollarının məzənnəsi dəyişməz qalaraq 1.7000 manat səviyyəsində sabit qalıb.Avro 1.9986 manatdan 1.9949 manata düşərək 0.0037 manat və ya 0.19% azalıb. İngilis funt sterlinqi 2.3092 manatdan 2.3007 manata geriləyib ki, bu da 0.0085 manat və ya 0.37% azalma deməkdir. İsveç kronu 0.54%, Macarıstan forinti isə 0.55% ucuzlaşıb. Cənubi Koreya vonunda ən böyük nisbi azalma qeydə alınıb — məzənnə 0.70% aşağı düşüb.Bununla yanaşı bəzi valyutalarda artım müşahidə olunub. Avstraliya dolları 1.2294 manatdan 1.2300 manata yüksələrək 0.05% artıb. Gürcü larisi 0.11%, Moldova leyi 0.20%, Norveç kronu isə 0.16% bahalaşıb. Çin yuanında da cüzi — 0.04% artım qeydə alınıb.Türk lirəsi 0.0375 manatdan 0.0374 manata enərək 0.27% ucuzlaşıb. Rusiya rublu isə 100 rubl üzrə 2.3056 manatdan 2.3027 manata düşərək 0.13% azalıb.Bank metalları bazarında qızılın qiyməti aşağı düşüb. 1 troya unsiyası qızılın qiyməti 8010.2895 manatdan 7988.2235 manata enib ki, bu da 22.066 manat və ya 0.28% azalma deməkdir. Palladium da 0.37% ucuzlaşıb.Əksinə, gümüş və platin bahalaşıb. Gümüşün qiyməti 146.1346 manatdan 146.7732 manata yüksələrək 0.44% artıb. Platin isə 3560.1740 manatdan 3588.3345 manata qalxaraq 28.1605 manat və ya 0.79% artım göstərib və bank metalları arasında ən yüksək artım məhz platin üzrə qeydə alınıb.

Oxumağa davam edin
Bank Mərkəzi Bank
Treyderlər İngiltərə Mərkəzi Bankından 2026-cı ildə 3 faiz artımı gözləyir
Treyderlər İngiltərə Mərkəzi Bankından 2026-cı ildə 3 faiz artımı gözləyir
  • May 13, 2026

Bazarlar İngiltərə Bankının bu il pul siyasətini üç dəfə sərtləşdirəcəyini tam qiymətləndirib. GDP Media xəbər verir ki, bu, ölkədə inflyasiya təzyiqinin davam etdiyini və inflyasiyanın hədəf səviyyəyə enməsində irəliləyişin ləngidiyini göstərir. Mütəxəssislərin fikrincə, bu ssenari Britaniya dövlət istiqrazlarının gəlirliliyinin artacağına, funt sterlinqin isə müvəqqəti dəstək ala biləcəyinə işarədir. Lakin borcalanlar və biznes üçün bu, kreditləşmənin yüksək qiymətinin qorunub saxlanılacağı anlamına gəlir.İqtisadçılar sual altındadırlar: Böyük Britaniya iqtisadiyyatı durğunluq əlamətləri göstərirsə, bu qədər sərt siyasət nə dərəcədə əsaslıdır?

Oxumağa davam edin
Bank Banklar
ABŞ Senatı Kevin Uorşu Fed-in sədri olaraq təsdiqlədi-Uorş Pauellu əvəz edəcək
ABŞ Senatı Kevin Uorşu Fed-in sədri olaraq təsdiqlədi-Uorş Pauellu əvəz edəcək
  • May 12, 2026

ABŞ Senatı Kevin Uorşun Federal Ehtiyat Sisteminin (Fed) sədri vəzifəsinə namizədliyini təsdiqləyib. GDP Media xəbər verir ki, Uorş bu postda Cerom Pauellu əvəz edəcək. Daha sərt monetar siyasətin tərəfdarı kimi tanınan Uorş, həddindən artıq yumşalmanın sərt tənqidçisidir. Onun təyinatı Fed-in prioritetlərində inflyasiya ilə mübarizəyə doğru ciddi dəyişikliyi göstərir – bu, hətta iqtisadi artımın ləngiməsi bahasına olsa belə. Ekspertlərin fikrincə, bu addım bazarlarda gözləniləndən daha uzun müddət yüksək faiz dərəcələrinin saxlanmasına və riskli aktivlərdə dəyişkənliyin artmasına səbəb ola bilər.

Oxumağa davam edin
Bank Mərkəzi Bank
Müstəqil qiymətləndirmə qrupu: Mərkəzi Bankın daxili auditi standartlara tam cavab verir
Müstəqil qiymətləndirmə qrupu: Mərkəzi Bankın daxili auditi standartlara tam cavab verir
  • May 12, 2026

Türkiyə Cümhuriyyəti Mərkəzi Bankının Audit departamentinin müstəqil qiymətləndirmə qrupu tərəfindən kənar qiymətləndirmə aparılıb. GDp xəbər verir ki, daxili audit fəaliyyətinin beynəlxalq standartlara uyğunluğunun müəyyən edilməsi məqsədilə keçirilən qiymətləndirmə beynəlxalq daxili audit standartlarına əsaslanan metodologiya ilə icra olunub. Qiymətləndirmənin nəticələrinə görə, Mərkəzi Bankın daxili audit fəaliyyətinin beynəlxalq daxili audit standartlarının tələblərinə tam şəkildə cavab verdiyi müəyyənləşdirilib. Yekun olaraq, üçpilləli qiymətləndirmə şkalası üzrə daxili audit funksiyası ən yüksək dərəcə olan “ümumilikdə uyğundur” (Generally Conforms) səviyyəsində qiymətləndirilib.

Oxumağa davam edin