Forbes və Bloomberg kimi nüfuzlu agentliklərin məlumatına görə, dünyanın ən varlı insanı İlon Maskın şəxsi sərvəti 1,4 trilyon dollar həddinə çatıb.

“GDP” xəbər verir ki,bu göstərici bitkoinin ümumi bazar kapitallaşması olan 1,3 trilyon dollardan təxminən 100 milyard dollar çoxdur.

Maskın sərvəti əsasən Tesla, SpaceX, xAI, Neuralink və The Boring Company kimi şirkətlərdəki paylarından formalaşır. Son aylarda süni intellekt sahəsindəki sürətli inkişaf və kosmik layihələrin uğurları bu şirkətlərin bazar dəyərini əhəmiyyətli dərəcədə artırıb. Xüsusilə xAI-nin son maliyyə yatırımları və SpaceX-in Starship proqramındakı irəliləyişlər Maskın sərvətinin sıçrayışında əsas rol oynayıb.

Mütəxəssislər qeyd edir ki, bu müqayisə əyani olsa da, tamamilə düzgün deyil. Bitkoinin kapitallaşması cari qiymətin tədavüldəki sikkələrin sayına hasilidir və bütün emissiya olunmuş həcmin real bazar qiymətləndirməsini əks etdirir. Maskın sərvəti isə səhm paketlərinin qiymətləndirilməsidir ki, bu da əhəmiyyətli endirim olmadan tam həcmdə reallaşdırıla bilməz. Belə böyük səhm paketlərinin satışı qiymətlərin kəskin düşməsinə səbəb olar.

Buna baxmayaraq, bu göstərici Maskın biznes imperiyasının qiymətləndirilməsinin nə dərəcədə artdığını – təkcə son bir il ərzində onun sərvəti təxminən 80% yüksəlib. Eyni zamanda, bitkoin hələ də 2021-ci ilin noyabrında qeydə alınan təxminən 1,8 trilyon dollarlıq tarixi maksimum kapitallaşmasından xeyli aşağıda qalır.