Donald Trampın andiçmə mərasimindən sonra rəqəmsal aktivlər bazarı güclü siqnal aldı — yeni administrasiya kripto sənayesini açıq şəkildə dəstəkləyir.

“GDP Media” xəbər verir ki, strateji bitcoin ehtiyatı yaradılıb, SEC və CFTC-yə kriptoya loyal tənzimləyicilər təyin olunub, Tramp isə şəxsən kripto konfranslarında iştirak edir.Lakin praktikada bazar dərhal kəskin yüksəliş göstərməyib. Bitcoin tarixi maksimumlara yaxın səviyyədə konsolidasiya olunur, amma parabolik artım müşahidə edilmir.

İnstitusional investorlar daha aydın qaydalar gözləyir, pərakəndə investorlar isə yeni likvidlik mənbələri axtarır.Hazırda əsas dəyişiklik bazardakı narrativin dəyişməsidir. Tənzimləyici risklər azalsa da, faiz dərəcələri, inflyasiya və dollar kimi makroiqtisadi amillər hələ də əsas rol oynayır.

Kriptovalyutalar artıq marjinal niş hesab edilmir, lakin hələ də universal həll yolu kimi qəbul olunmur.