Mastercard yeni qlobal infrastrukturunun əsası kimi Arbitrum blokçeyn şəbəkəsini seçdiyini açıqlayıb.

“GDP Media” xəbər verir ki,şirkət tənzimlənən USDC və PYUSD stebleynləri ilə əməliyyatlar aparmaq üçün bu L2 həllindən istifadə edəcək.

Yeni sistem beynəlxalq hesablaşmaları demək olar ki, ani sürətə çatdıracaq, həmçinin həftə sonları və bayram günləri də daxil olmaqla maliyyə əməliyyatlarını 7/24 dəstəkləyəcək.

Mastercard-ın xüsusi (private) blokçeyn əvəzinə açıq publik L2 şəbəkəsini seçməsi sənaye üçün mühüm göstərici sayılır. Ekspertlər bunu mərkəzləşdirilməmiş, miqyaslana bilən şəbəkələrin artıq iri korporativ yüklərin öhdəsindən gəlməyə hazır olduğunun etirafı kimi dəyərləndirirlər.

Arbitrum üçün bu addım institusional qəbul baxımından güclü nümunədir. Analitiklər bunun ödəniş sənayesinin digər nəhənglərini də oxşar addımlar atmağa təşviq edə biləcəyini bildirirlər.

Mastercard-ın bu qərarı, eyni zamanda, ənənəvi maliyyə institutlarının blokçeyn texnologiyalarına etibarının artdığını göstərir.