ABŞ fond bazarında kütləvi satışlar bütün əsas indeksləri əhatə edib: S&P 500, Nasdaq və Dow Jones ciddi dəyər itiriblər.

“GDP Media” xəbər verir ki, ekspertlər əsas səbəb kimi ABŞ Federal Ehtiyat Sistemi (FES) tərəfindən sərt pul-kredit siyasətinə dair ritorikanın güclənməsini və istehlakçı tələbinin zəif göstəricilərini göstərirlər.

Bazar daha uzun müddət yüksək faiz dərəcələrinin qalmasını qiymətləndirir ki, bu da growth-səhmlər və texnologiya sektorunun qiymətləndirilməsinə mənfi təsir göstərir. Bir sessiyada 2 trilyon dollar dəyər itirilməsi nadir hadisə sayılır və 2020-ci ilin mart ayındakı bazar dalğalanmaları ilə müqayisə edilə bilər.

Analitiklər qeyd edirlər ki, trendin əksinə dönməsi barədə hələ erkəndir. Bərpa üçün əsas siqnal FES-in yumşaldıcı siyasətə hazır olduğunu göstərən mesajı ola bilər. Bu baş verməsə, risk aktivlərinə təzyiq davam edəcək.