Polymarket platformasının naməlum istifadəçisi ABŞ hərbi qüvvələrinin fəaliyyəti ilə bağlı mərclərdən 2,4 milyon dollardan çox qazanc əldə edib.

GDP Media xəbər verir ki, bu barədə CBS Bubblemaps şirkətinin araşdırmasına istinadən məlumat yayıb.Şirkət ekspertlərinin fikrincə, yüksək gəlirlilik ehtimal olunan daxili və ya xidməti məlumatlardan istifadə nəticəsində əldə olunub.

Belə ki, istifadəçi 80-dən çox mərcdə təxminən 98% uğur göstəricisinə nail olub, halbuki ilkin ehtimallar xeyli aşağı qiymətləndirilirdi.Polymarket bildirib ki, platformada şübhəli fəaliyyət aşkarlanarsa, bu barədə hüquq-mühafizə orqanlarına məlumat verilir.

Məlumatda qeyd olunur ki, ABŞ qanunvericiliyinə əsasən hərbi əməliyyatlarla bağlı hadisələrə mərclər qadağandır. Lakin istifadəçilər VPN xidmətlərindən istifadə etməklə bu məhdudiyyətləri asanlıqla keçə bilirlər.