ABŞ fond bazarı tarixində ilk dəfə olaraq ümumi kapitallaşma həddində 77 trilyon dolları keçib. Bu rekord göstərici, ABŞ-ın keçmiş prezidenti Donald Tramp və Çin lideri Si Cinping arasında Çində aparılan danışıqlar fonunda qeydə alınıb.

GDP Media xəbər verir ki,bazarın yüksəlişi investorların gözləntiləri və iki ölkə arasında iqtisadi dialoqun intensivləşməsi ilə əlaqələndirilir. Analitiklərə görə, Tramp və Si Cinpingin görüşü ticarət müharibəsinin yumşaldılması, tariflərin azaldılması və ya yeni iqtisadi razılaşmalar istiqamətində müsbət siqnal kimi qiymətləndirilir.

Xatırladaq ki, son illərdə ABŞ-Çin iqtisadi münasibətlərində gərginlik yüksək səviyyədə idi. Buna baxmayaraq, mövcud danışıqlar bazar iştirakçılarında nikbinlik yaradıb. Mütəxəssislər qeyd edirlər ki, 77 trilyon dollarlq kapitallaşma qlobal iqtisadiyyatda ABŞ-ın aparıcı mövqeyini bir daha təsdiqləyir.