Goldman Sachs xəbərdarlıq edir ki, tarixdə ilk dəfə olaraq S&P 500 indeksində cəmi 10 səhmin payı bu qədər yüksək səviyyəyə yüksəlib.

“GDP Media” xəbər verir ki, hətta ABŞ-da Böyük Depressiya dövründə fond bazarının çökməsindən əvvəl qeydə alınan rekord da geridə qalıb.

Oxşar konsentrasiyanın dayanıqlı “bull market”lər üçün xarakterik olmadığını bildirən ekspertlərin sayı sürətlə artır.

Mütəxəssislər qeyd edirlər ki, bazarın hər zirvə nöqtəsində investorlar köhnə qaydaların artıq işləmədiyini və bu dəfə hər şeyin fərqli olacağını izah etmək üçün mürəkkəb arqumentlər irəli sürürlər. Lakin tarix hələlik bunun əksini göstərməyə davam edir.