Ça. İyn 2nd, 2026
Ça. İyn 2nd, 2026

Bakı Fond Birjasında Azərbaycan-Britaniya maliyyə əməkdaşlığı müzakirə olunub

Bakı Fond Birjası Böyük Britaniyanın Azərbaycandakı səfirliyinin nümayəndə heyətini qəbul edib.

“GDP Media” xəbər verir ki, görüşdə Böyük Britaniyanın Azərbaycana yeni təyin olunmuş səfiri Duncan Norman və Şərqi Avropa və Mərkəzi Asiya üzrə Böyük Britaniyanın ticarət komissarı David Reed iştirak ediblər.

Görüş zamanı Azərbaycanın kapital bazarlarının inkişafı, investisiya imkanları, eləcə də davamlı iqtisadi artımın və beynəlxalq əməkdaşlığın dəstəklənməsində kapital bazarı infrastrukturunun rolu ətrafında fikir mübadiləsi aparılıb.

Tərəflər Azərbaycan ilə Böyük Britaniya arasında mövcud ikitərəfli münasibətlərin əhəmiyyətini vurğulayaraq, maliyyə bazarlarının inkişafı və transsərhəd investisiya əlaqələrinin genişləndirilməsi istiqamətində əməkdaşlığın davam etdirilməsində maraqlı olduqlarını bildiriblər.

    • Əlaqədar Yazılar

    Birja Qlobal birjalar
    S&P 500 ilk dəfə 69 trilyon dollarlıq bazar kapitallaşmasını ötüb
    S&P 500 ilk dəfə 69 trilyon dollarlıq bazar kapitallaşmasını ötüb
    • İyun 2, 2026

    ABŞ fond bazarının əsas göstəricilərindən biri olan S&P 500 indeksinin ümumi bazar kapitallaşması tarixdə ilk dəfə 69 trilyon dollar həddini keçib. Beləliklə, ABŞ bazarı nominal ifadədə yeni rekord müəyyənləşdirib. GDP Media xəbər verir ki, indeksin kapitallaşmasının artımı əsasən texnologiya sektorundakı iri şirkətlərin səhmlərinin bahalaşması ilə bağlıdır. Xüsusilə “Möhtəşəm yeddilik” adlandırılan texnologiya nəhənglərinin bazardakı dominant mövqeyi indeksin yüksəlişində əsas rol oynayıb. Analitiklərin fikrincə, hazırkı artım bazarda konsentrasiyanın yüksəldiyini göstərir. Belə ki, məhdud sayda böyük şirkət bütün indeksin dinamikasına ciddi təsir edir. Mütəxəssislər bildirirlər ki, bu vəziyyət investorlar üçün həm yeni imkanlar, həm də risklər yaradır. Diversifikasiya və hedcinq strategiyalarından istifadə olunmadıqda, xüsusilə yüksək qiymətləndirilmiş texnologiya sektorunda mümkün korreksiya investisiya portfellərinə ciddi təsir göstərə bilər.

    davamı
    Birja Qlobal birjalar
    Victoria’s Secret səhmləri bir gündə təxminən 50% bahalaşdı
    Victoria’s Secret səhmləri bir gündə təxminən 50% bahalaşdı
    • İyun 2, 2026

    Amerikanın məşhur alt geyim brendi Victoria’s Secret-in səhmləri iyunun 2-də keçirilən hərraclarda 49,7% bahalaşıb. Şirkətin bazar dəyərindəki kəskin artım bütün seqmentlər üzrə satışların yüksəlməsi və ənənəvi biznes modelinə qayıdış qərarı ilə əlaqələndirilir. “GDP Media” xəbər verir ki, Victoria’s Secret 2019-cu ildə köhnəlmiş gözəllik standartlarının təbliği və modellərin bədən müxtəlifliyinin yetərincə əks olunmaması ilə bağlı tənqidlər səbəbindən ənənəvi şoularını dayandırmışdı. Lakin son illərdə satış göstəricilərinin zəifləməsi fonunda şirkət əvvəlki konsepsiyaya qayıtmaq qərarı verib. Bu addım investorlar tərəfindən müsbət qarşılanıb və səhmlərin qiymətində ciddi artıma səbəb olub. Analitiklər hesab edirlər ki, Victoria’s Secret-in yenidən ənənəvi şou formatına üstünlük verməsi brendin kommersiya göstəricilərini bərpa etməyə yönəlmiş strateji addımdır.

    davamı