Bitkoinin qiyməti bu həftə 2023-cü ilin sonundan sonra ilk dəfə 200 həftəlik dəyişən orta göstəricini (200 WMA) test edib.

“GDP Media” xəbər verir ki, “CoinMarketCap-in məlumatına görə, BTC hazırda 61 min ABŞ dolları səviyyəsində ticarət olunur.Analitiklər 200 həftəlik sürüşən ortalamanı bitkoin üçün uzunmüddətli ədalətli dəyər zonası adlandırırlar. Statistikaya əsasən, kriptovalyuta indiyədək bu səviyyədən aşağıda uzun müddət qalmayıb.

Yeganə istisna 2022-ci ilin ayı bazarı dövrünə təsadüf edib. Həmin vaxt qiymət 200 WMA-nı aşağı istiqamətdə qırdıqdan sonra təxminən iki ay bu xətdən aşağıda ticarət olunub və yalnız bundan sonra bazarda dib formalaşıb.Cari texniki mənzərə 2022-ci il ssenarisi ilə müqayisə olunur. O zaman bitkoin dövrün zirvə nöqtəsindən yeddi ay sonra 200 həftəlik MA-ya çatmışdı. Bu dəfə isə son zirvədən artıq səkkiz ay keçib.Mütəxəssislər bildirirlər ki, 61 min dollar səviyyəsi yekun dib kimi qəbul edilməməlidir. Bununla belə, həftəlik qrafiklərdə müşahidə olunan RSI divergensiyası ilə yanaşı, 200 həftəlik ortalamanın test edilməsi bazar üçün struktur siqnal sayılır. 200 WMA-nın qorunması uzunmüddətli yüksəliş trendinin davam etməsi üçün vacib şərt kimi qiymətləndirilir. Bu səviyyənin itirilməsi isə 2022-ci ildəki kimi daha dərin korreksiya riskini gündəmə gətirə bilər.

Qeyd edək ki, kriptovalyuta bazarları yüksək volatilliklə xarakterizə olunur və təqdim olunan məlumat investisiya tövsiyəsi deyil.