Ça. İyn 2nd, 2026
Ça. İyn 2nd, 2026

“ABB-Invest”in Müşahidə Şurasına yeni təyinatlar olub

“ABB-Invest İnvestisiya Şirkəti” QSC-nin Müşahidə Şurasına yeni üzvlər seçilib.

“GDP Media” xəbər verir ki, səhmdarların Ümumi Yığıncağının qərarı ilə Fariz Rəhimov Faiq oğlu və Ülvi Qasımov Qasım oğlu Müşahidə Şurasının üzvləri təyin olunublar. Hər iki şəxs hazırda ana şirkət olan ABB-də Ofis rəhbəri vəzifəsində çalışır.

Hazırda “ABB-Invest İnvestisiya Şirkəti” QSC-nin Müşahidə Şurasına Aqşin Əmirov Zəkaray oğlu sədrlik edir. Şuranın digər üzvləri isə Rövşən Cavadov Nazim oğlu və Məcid Məmmədov Həsən oğludur.

Xatırladaq ki, ABB-İnvest 2020-ci ilin iyun ayında Azərbaycan Beynəlxalq Bankı tərəfindən yaradılıb. Şirkətin nizamnamə kapitalı 3 milyon manat təşkil edir.

    • Əlaqədar Yazılar

    Birja Qlobal birjalar
    Yaxın Şərq böhranı neft qiymətlərini yenidən yüksəldə bilər
    Yaxın Şərq böhranı neft qiymətlərini yenidən yüksəldə bilər
    • İyun 2, 2026

    Qlobal iqtisadiyyatdakı yavaşlama fonunda neft qiymətlərinin yenidən artacağı ilə bağlı proqnozlar səsləndirilib. Londonda keçirilən beynəlxalq neft-qaz konfransında çıxış edən ekspertlər Yaxın Şərqdə davam edən böhranın bazarda təklif çatışmazlığını dərinləşdirdiyini bildiriblər. “GDP Media” xəbər verir ki, Beynəlxalq Enerji Agentliyinin məlumatına əsasən, ABŞ, Braziliya, Venesuela və Argentinada hasilatın artması bazarda yaranan itkiləri yalnız qismən kompensasiya edir.Agentliyin neft bazarları şöbəsinin rəhbəri Toril Bosoni bildirib ki, qlobal tələbin azalması belə təklifdəki itkiləri tam qarşılamaq üçün kifayət etmir. Onun sözlərinə görə, bu vəziyyət yaxın dövrdə neft qiymətlərinin gözlənilən səviyyələrdən daha yüksək həddə qalxmasına səbəb ola bilər.Ekspertlər hesab edirlər ki, hazırda qlobal enerji sistemində mühüm dəyişikliklər baş verir. Belə ki, enerji bazarında artıq yalnız hasilata nəzarət deyil, tədarük zəncirinin idarə olunması da strateji əhəmiyyət daşıyır.Analitiklərin fikrincə, Yaxın Şərqdəki gərginliyin davam etməsi fonunda enerji bazarlarında volatillik yüksək olaraq qalacaq.

    davamı
    Birja Qlobal birjalar
    S&P 500 ilk dəfə 69 trilyon dollarlıq bazar kapitallaşmasını ötüb
    S&P 500 ilk dəfə 69 trilyon dollarlıq bazar kapitallaşmasını ötüb
    • İyun 2, 2026

    ABŞ fond bazarının əsas göstəricilərindən biri olan S&P 500 indeksinin ümumi bazar kapitallaşması tarixdə ilk dəfə 69 trilyon dollar həddini keçib. Beləliklə, ABŞ bazarı nominal ifadədə yeni rekord müəyyənləşdirib. GDP Media xəbər verir ki, indeksin kapitallaşmasının artımı əsasən texnologiya sektorundakı iri şirkətlərin səhmlərinin bahalaşması ilə bağlıdır. Xüsusilə “Möhtəşəm yeddilik” adlandırılan texnologiya nəhənglərinin bazardakı dominant mövqeyi indeksin yüksəlişində əsas rol oynayıb. Analitiklərin fikrincə, hazırkı artım bazarda konsentrasiyanın yüksəldiyini göstərir. Belə ki, məhdud sayda böyük şirkət bütün indeksin dinamikasına ciddi təsir edir. Mütəxəssislər bildirirlər ki, bu vəziyyət investorlar üçün həm yeni imkanlar, həm də risklər yaradır. Diversifikasiya və hedcinq strategiyalarından istifadə olunmadıqda, xüsusilə yüksək qiymətləndirilmiş texnologiya sektorunda mümkün korreksiya investisiya portfellərinə ciddi təsir göstərə bilər.

    davamı