ABŞ fond indeksləri bazar ertəsi günü ticarəti cüzi artımla başa vurub və rekord maksimum həddi yeniləyib.
“GDP Media” xəbər verir ki, “Nvidia Corp.” şirkətinin yeni tərtibatları ilə əlaqədar İntellektual Sistemlər (İS) sektorunun perspektivlərinə dair optimizm dalğası, Yaxın Şərqdə gərginliyin artması əlamətlərinə baxmayaraq, səhm bazarını dəstəkləyib.
“Nvidia Corp.”-un səhmləri ticarətin yekununa görə 6,3% bahalaşıb. Qrafik prosessorlar istehsalçısı olan bu Amerika şirkəti Taypeydə keçirilən “Computex” konfransında İS agentlərini dəstəkləməyə yönəlmiş ilk noutbukları, həmçinin yeni çipləri təqdim edib. Şirkət noutbukların “Dell Technologies” və “Microsoft Corp.” ilə əməkdaşlıq şəraitində buraxılacağını bildirib. Bazarın bağlanmasına görə “Dow Jones” indeksi 0,09% artaraq 51078,88 bənd təşkil edib. “S&P 500” indeksinin dəyəri 0,26% yüksələrək 7599,96 bənd olub. “Nasdaq” indeksi isə 0,4% qalxaraq 27086,81 bəndə çatıb.
