Bz. May 31st, 2026
Bz. May 31st, 2026

Anthropic-in dəyəri 900 milyard dolları keçə bilər

Anthropic-in dəyəri 900 milyard dolları keçə bilər

GDP Media xəbər verir ki, Bloomberg-in məlumatına görə, süni intellekt şirkəti Anthropic yeni investisiya raundunu 30 milyard dollardan çox məbləğlə bağlamağa hazırlaşır.

Məlumata əsasən, razılaşma şirkətin bazar dəyərini 900 milyard dollardan yuxarı qaldıra bilər. Bu halda Anthropic həm OpenAI-ni geridə qoyaraq dünyanın ən dəyərli özəl şirkətinə çevriləcək.İnvestisiya raunduna Sequoia, Dragoneer, Altimeter və Greenoaks Capital şirkətlərinin hərəsinin 2 milyard dollar yatırımla liderlik etməsi gözlənilir.

Anthropic investorlarla görüşlərdə bildirib ki, şirkətin illik gəlir tempi gələn ayın sonuna qədər 50 milyard dolları ötəcək.Maliyyələşmə raundunun artıq gələn həftə bağlanacağı gözlənilir.

    • Əlaqədar Yazılar

    Digər Dünya
    Ermənistan və ABŞ arasında TRIPP layihəsi üzrə çərçivə sazişi yaxın həftələrdə imzalanacaq
    Ermənistan və ABŞ arasında TRIPP layihəsi üzrə çərçivə sazişi yaxın həftələrdə imzalanacaq
    • May 26, 2026

    Ermənistan və ABŞ arasında TRIPP layihəsi üzrə çərçivə sazişi yaxın həftələrdə imzalanacaq. “GDP Media” xəbər verir ki, bu barədə Ermənistanın xarici işlər naziri Ararat Mirzoyan açıqlama verib. Nazirin sözlərinə görə, sənədin mətni siyasi səviyyədə tam razılaşdırılıb. Hazırda isə hər iki ölkədə yekun texniki prosedurların tamamlanması prosesi davam edir. Bildirilib ki, hazırlıq çərçivəsində əlavə bir sıra sənədlərin, o cümlədən TRIPP şirkətinin nizamnaməsinin də imzalanması tələb olunur. A. Mirzoyan qeyd edib ki, layihəyə müxtəlif ölkələr və şirkətlər maraq göstərir.

    davamı
    Avto Digər
    Ferrari ilk tam elektrikli avtomobilini təqdim edib
    Ferrari ilk tam elektrikli avtomobilini təqdim edib
    • May 26, 2026

    Ferrari ilk tam elektrikli avtomobilini təqdim edib.Beşyerlik Luce avtomobili Ferrari üçün qeyri-adi sayılan futuristik dizayna malikdir. “GDP Media” xəbər verir ki, modelin dizaynı Apple Inc.-in keçmiş baş dizayneri Coni Ayv tərəfindən hazırlanıb. Avtomobilin maksimal sürəti saatda 310 km təşkil edir, 0-dan 100 km/saata isə cəmi 2,5 saniyəyə sürətlənir. Ferrari-nin strategiyasına əsasən, 2030-cu ilədək satılan modellərin 20%-i tam elektrikli olacaq. The Wall Street Journal yazır ki, Ferrari üçün zəif nöqtələrdən biri elektromobillərin təkrar satışı ola bilər. Belə ki, elektrik mühərrikli avtomobillər zaman keçdikcə dəyərini benzin mühərrikli maşınlarla müqayisədə daha çox itirir. İtaliya şirkəti üçün ikinci əl bazarı mühüm əhəmiyyət daşıyır, çünki Ferrari bildirir ki, istehsal etdiyi avtomobillərin təxminən 90%-i hələ də istismardadır.

    davamı