Bz. May 31st, 2026
Bz. May 31st, 2026

Azərsilah Akademiyasına yeni direktor təyin olunub

Azərsilah Akademiyasına yeni direktor təyin edilib.

“GDP Media” xəbər verir ki, bu vəzifəyə Dr. Cəlal Eynullayev gətirilib. O, bununla bağlı sosial şəbəkə hesabında paylaşım edib.

Dr. Cəlal Eynullayev bildirib ki, rəhbərlik etdiyi dövrdə əsas məqsəd müdafiə sənayesi üçün bilikli, çevik və innovativ düşüncəyə malik peşəkar kadrların hazırlanması olacaq.Onun sözlərinə görə, Akademiyanın əsas missiyası müasir və effektiv inkişaf ekosisteminin formalaşdırılmasıdır.

Bu çərçivədə əməkdaşların inkişafına yönəlmiş müasir təlim proqramları, liderlik və idarəetmə bacarıqlarının artırılması, universitet–sənaye əməkdaşlığının gücləndirilməsi, beynəlxalq təcrübənin tətbiqi və innovasiya yönümlü təşəbbüslərin həyata keçirilməsi prioritet istiqamətlər olacaq.Yeni direktor göstərilən etimada görə rəhbərliyə təşəkkür edib və peşəkar komanda ilə birlikdə ölkə üçün dəyər yaradan layihələrin icrasına töhfə verməyə hazır olduqlarını vurğulayıb.

Qeyd edək ki, Dr. Cəlal Eynullayev insan resursları, təlim və performans idarəetməsi sahəsində uzunillik təcrübəyə malikdir. O, 2012–2025-ci illərdə Azərsun Akademiyasının direktoru olub. Bu dövrdə təlim strategiyalarının hazırlanması, daxili təlim sisteminin yenidən təşkili, kompetensiyaların qiymətləndirilməsi və performans idarəetmə sisteminin qurulmasına rəhbərlik edib. Həmçinin 2013–2024-cü illərdə Azərsun Holdinqin Restrukturizasiya və Audit Komitəsinin üzvü kimi SMART hədəflərin tətbiqi, monitorinq sistemlərinin qurulması və QPR layihələrinin icrasında iştirak edib.Karyerası ərzində Azərsun Akademiyasında şöbə müdiri, proseslərin inkişafı üzrə baş mütəxəssis, Azərbaycan Sənaye Bankında proses meneceri və strategiya qrupu üzvü, həmçinin BRF Azərbaycanda baş menecer vəzifələrində çalışıb.

Bu müddətdə proses idarəetməsi, təlimlərin təşkili, məmnunluq təhlilləri və satış strategiyalarının hazırlanması istiqamətlərində fəaliyyət göstərib.

    • Əlaqədar Yazılar

    Büdcə İqtisadiyyat
    Sahil Babayev: “Neft Fondundan transfertlər 300 milyon manat azalıb”
    Sahil Babayev: “Neft Fondundan transfertlər 300 milyon manat azalıb”
    • May 26, 2026

    Azərbaycanın maliyyə naziri Sahil Babayev bildirib ki, cari ilin ilk dörd ayında dövlət büdcəsinin gəlirləri 13,6 milyard manat təşkil edib. Bu göstərici ötən ilin eyni dövrü ilə müqayisədə təxminən 100 milyon manat çoxdur. “GDP Media”xəbər verir ki, AZƏRTAC və AzTV-yə eksklüziv müsahibəsində nazir qeyd edib ki, həm Dövlət Vergi Xidməti, həm də Dövlət Gömrük Komitəsi xətti ilə daxilolmalarda artım və proqnoz göstəricilərinin üstələnməsi müşahidə olunub. Sahil Babayev vurğulayıb ki, dövlət büdcəsinin neft gəlirlərindən asılılığının azaldılması istiqamətində mühüm nəticələr əldə edilib. Onun sözlərinə görə, cari ilin ilk dörd ayında Dövlət Neft Fondundan büdcəyə transfertlərin həcmi ötən ilin analoji dövrü ilə müqayisədə təxminən 300 milyon manat azalıb. Nazir bildirib ki, Neft Fondundan transfertlərin azaldılması hökumətin əsas fiskal prioritetlərindən biridir və bu istiqamətdə əldə olunan nəticələr müsbət tendensiyanın göstəricisidir. O əlavə edib ki, icmal büdcənin gəlirləri təxminən 16 milyard manat, xərcləri isə 12 milyard manat təşkil edib. İcmal büdcədə yaranan profisitin əsas hissəsi Dövlət Neft Fondunun gəlirlərindən formalaşıb. Sahil Babayev qeyd edib ki, büdcə göstəricilərinin uğurlu icrası Azərbaycanın makrofiskal sabitliyini və maliyyə dayanıqlılığını bir daha təsdiqləyir.

    davamı
    İqtisadiyyat
    “Expressbank” səhmdarlarına 11 milyon manata yaxın dividend ödəyib
    “Expressbank” səhmdarlarına 11 milyon manata yaxın dividend ödəyib
    • May 26, 2026

    “Expressbank” ASC 2025-ci ilin maliyyə nəticələri əsasında səhmdarlarına 10,814 milyon manat dividend ödəyib. “GDP Media” bu barədə Banka istinadən xəbər verir.Məlumata görə, bu, 2024-cü illə müqayisədə 24,8 % çoxdur.Xatırladaq ki, “Expressbank” 1989-cu ildə “Azərnəqliyyatbank” adı ilə fəaliyyətə başlayıb, 2010-cu ildə rebrendinq edib. Onun nizamnamə kapitalı 112,545 milyon manatdır. Bankın səhmlərinin 48,8 %-i “Azenco Group”a, 30,8 %-i “Enerqoservis” MMC-yə, 20 %-i Hafiz Seyidova, 0,4 %-i Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə məxsusdur.

    davamı