Ca. May 14th, 2026
Ca. May 14th, 2026
Biznes İqtisadiyyat
Sahibkarlar üçün fürsət: Qubada böyük sammit
Sahibkarlar üçün fürsət: Qubada böyük sammit
  • May 13, 2026

Mayın 2-də Qubada “Regional biznesin inkişafı və rəqəmsallaşma” Sammiti baş tutacaq. GDP Media xəbər verir ki, tədbirin əsas məqsədi ölkənin şimal-şərq regionunun iqtisadi potensialının artırılması, yerli sahibkarların dəstəklənməsi və rəqəmsal transformasiyanın təşviq edilməsidir. Sammit MÜSİAD Azerbaijan, TECHERA və “Quba Sahibkarlarına Dəstək” platformasının (QİAD) birgə təşkilatçılığı, Kiçik və Orta Biznesin İnkişafı Agentliyinin (KOBİA), Azərbaycan Sahibkarlar Konfederasiyasının, Azərbaycan Fintech Assosiasiyasının və ADPU-nun Quba filialının rəsmi tərəfdaşlığı ilə reallaşacaq. Tədbir çərçivəsində “Regional Expo” sərgisi və B2B görüşləri təşkil olunacaq. Bu platformalar vasitəsilə 100-dən çox müəssisə arasında tərəfdaşlıq əlaqələrinin qurulmasına şərait yaradılacaq. Sammitin xüsusi bölməsi olan “Texnologiya və rəqəmsal zona”da iştirakçılara İT həlləri, elektron ticarət layihələri və istehsalın avtomatlaşdırılması alətləri nümayiş etdiriləcək. Maliyyə resurslarına əlçatanlığı artırmaq məqsədilə sahibkarlara güzəştli kreditləşmə və mikrobiznesin dəstəklənməsi proqramları barədə geniş məlumat veriləcək. Bundan əlavə, sammitin proqramına gənc mütəxəssislər və sahibkarlar üçün xüsusi mentor sessiyaları daxil edilib. Həmin sessiyalarda təcrübəli mütəxəssislər tərəfindən praktiki biliklərin ötürülməsi nəzərdə tutulur. Tədbirdə iştirak etmək istəyənlər aşağıdakı link vasitəsilə qeydiyyatdan keçə bilərlər:https://shorturl.at/19YCl

Oxumağa davam edin
İqtisadiyyat Neft-qaz
Azərbaycanda neft hasilatı apreldə bir qədər artıb-OPEC
Azərbaycanda neft hasilatı apreldə bir qədər artıb-OPEC
  • May 13, 2026

Neft İxrac Edən Ölkələr Təşkilatı (OPEC) bu ilin aprel ayında Azərbaycanda orta gündəlik xam neft hasilatının 460 min barel təşkil etdiyini açıqlayıb. GDP Media OPEC-in aylıq hesabatına istinadən verdiyi məlumata görə, bu rəqəm mart ayı ilə müqayisədə 3 min barel çoxdur. Belə ki, mart ayında sutkalıq neft hasilatı 457 min barel olub. Hesabatda həmçinin qeyd edilib ki, ölkədə gündəlik ortalama neft hasilatı bu ilin birinci rübündə 454 min barel səviyyəsində qeydə alınıb. 2025-ci ildə isə Azərbaycanda gündəlik neft hasilatı orta hesabla 461 min barel təşkil edib.

Oxumağa davam edin
İqtisadiyyat Neft-qaz
Rövşən Nəcəf Daşkənddə OGU-2026 sərgi-konfransında iştirak edib, bp ilə “Üstyurt” layihəsi üzrə sənədlər imzalanıb
Rövşən Nəcəf Daşkənddə OGU-2026 sərgi-konfransında iştirak edib, bp ilə “Üstyurt” layihəsi üzrə sənədlər imzalanıb
  • May 13, 2026

SOCAR-ın prezidenti Rövşən Nəcəf Özbəkistanın paytaxtı Daşkənd şəhərində keçirilən “Özbəkistanın nefti və qazı (OGU-2026)” 28-ci beynəlxalq sərgi-konfransında iştirak edib. GDP Media xəbər verir ki, tədbir çərçivəsində Özbəkistan Respublikasının Prezidenti Şavkat Mirziyoyev SOCAR-ın prezidenti Rövşən Nəcəfi, bp şirkətinin baş vitse-prezidenti Ariel Floresi və bp-nin Azərbaycan, Gürcüstan və Türkiyə üzrə regional prezidenti Ciovanni Kristofolini qəbul edib. Görüşdə Rövşən Nəcəf dövlət başçısına Azərbaycan Prezidenti İlham Əliyevin salamlarını və ən xoş arzularını çatdırıb. Şavkat Mirziyoyev isə salamlarına görə minnətdarlığını bildirərək, öz salamlarını Azərbaycan Prezidentinə çatdırmağı xahiş edib.Sərgi-konfrans çərçivəsində SOCAR-ın prezidenti Rövşən Nəcəf bp rəhbərləri ilə birlikdə Özbəkistanın energetika naziri Jurabek Mirzamahmudov və “Uzbekneftegaz” ASC İdarə Heyətinin sədri Abdugani Sanginov ilə üçtərəfli görüşlər keçirib. Görüşlərdə Azərbaycan və Özbəkistan prezidentlərinin müəyyənləşdirdiyi uzaqgörən siyasətə uyğun olaraq “Üstyurt” layihəsinin uğurla həyata keçirildiyi vurğulanıb. Tərəflər “Üstyurt” investisiya blokları üzrə kəşfiyyat, işlənmə və hasilat fəaliyyətlərinin icrası, habelə əməkdaşlığın genişləndirilməsi məsələlərini müzakirə ediblər.Üçtərəfli görüşlərdən sonra bp şirkətinin “Üstyurt” investisiya bloklarının kəşfiyyatı, işlənməsi və hasilatı üzrə Pay Bölgüsü Sazişinə qoşulmasına dair sənədlər imzalanıb. Bundan başqa, Rövşən Nəcəf “MOL Group” şirkətinin icraçı vitse-prezidenti Zsombor Marton ilə görüşündə şirkətlər arasında uzunmüddətli tərəfdaşlıq münasibətlərindən məmnunluq ifadə edib, birgə həyata keçirilən layihələrin icra vəziyyətini nəzərdən keçirib.SOCAR-ın prezidenti OGU-2026 sərgisi ilə də tanış olub. SOCAR sərgidə öz pavilyonu ilə təmsil olunur. Stenddə şirkətin müxtəlif fəaliyyət istiqamətləri, Azərbaycanda və xarici ölkələrdə həyata keçirilən əməliyyatlar, neft və qaz boru kəmərləri sistemi, yaşıl enerji təşəbbüsləri, rəqəmsal həllər və digər strateji layihələr haqqında məlumatlar ziyarətçilərə təqdim olunur. Qeyd edək ki, SOCAR-ın pavilyonu OGU-2026 beynəlxalq sərgisində “Ən Yaxşı Milli Stend Dizaynı” nominasiyası üzrə mükafata layiq görülüb.

Oxumağa davam edin
İqtisadiyyat
Maliyyə dayanıqlığı gücləndirilir: banklarda stres-testlərin aparılması Qaydası təsdiq edilib
Maliyyə dayanıqlığı gücləndirilir: banklarda stres-testlərin aparılması Qaydası təsdiq edilib
  • May 13, 2026

Azərbaycan Respublikası Mərkəzi Bankının İdarə Heyəti “2024 – 2026-cı illərdə maliyyə sektorunun inkişaf Strategiyası”ndan irəli gələrək, bank sektorunda maliyyə dayanıqlılığının gücləndirilməsi və beynəlxalq tənzimləmə standartlarına uyğunluğun artırılması məqsədilə “Banklarda stres-testlərin aparılması Qaydası”nı təsdiq edib. GDP Media xəbər verir ki, Mərkəzi Bankdan verilən məlumata görə, yeni Qayda mütərəqqi beynəlxalq təcrübə, o cümlədən Bazel Komitəsinin və Avropa Bank Nəzarəti Orqanının prinsipləri nəzərə alınmaqla hazırlanıb. Bununla yanaşı, həmin Qaydaya uyğunlaşdırma məqsədilə korporativ idarəetmə, kredit, likvidlik, əməliyyat və bazar risklərinin idarə edilməsi üzrə qaydalarda da dəyişikliklər təsdiq edilib. Yeni tənzimləmədə banklarda stres-testləşmənin əsas prinsipləri və proqramların tərkibi, modelləşdirmə üsulları və modellərin validasiyası tələbləri, həssaslıq və ssenari təhlillərinin əhatəsi, əsas risk növləri (likvidlik, kredit, bazar və əməliyyat) üzrə stres-testlərə, risklərarası qarşılıqlı təsirlərə, habelə nəticələrin Mərkəzi Banka hesabatlılıq məsələlərinə dair tələblər öz əksini tapıb.Qayda həmçinin bank daxilində və nəzarət prosesi çərçivəsində stres-test modelinin keyfiyyətinin və adekvatlığının qiymətləndirilməsinin təşkili üçün istifadə edilə biləcək sualları da əhatə edir. Mərkəzi Bankın qiymətləndirməsinə görə, yeni Qayda stres-testlərin keçirilməsi və nəticələrin qiymətləndirilməsi üzrə vahid və sistematik tənzimləmə çərçivəsi yaratmaqla, bankların fərdi dayanıqlılığının və bütövlükdə sektorun riskə davamlılığının kompleks qiymətləndirilməsini təmin edəcək.Təsdiq edilmiş dəyişikliklərə link vasitəsilə baxmaq mümkündür.

Oxumağa davam edin
İqtisadiyyat Sosial
Qurbanlıq heyvan satışına hazırlıq sürətlənir – Bakı və regionlarda qiymətlər açıqlanıb
Qurbanlıq heyvan satışına hazırlıq sürətlənir – Bakı və regionlarda qiymətlər açıqlanıb
  • May 13, 2026

Bakının Binə və Şüvəlan qəsəbəsi ərazilərində qoyun və quzunun diri çəkisinin bir kiloqramı 11 manat, kəsilmiş halda isə 22 manata təklif olunur. GDP Media xəbər verir ki,dana ətinin diri çəkisinin 1 kiloqramı 9 manat, kəsilmiş halda isə 18 manatdır. Regionlarda qiymətlər nisbətən daha münasibdir. Şamaxı, Ağsu, İsmayıllı, Qobustan, Ağdaş, Göyçay və Kürdəmir ərazilərində qoyun və quzunun 1 kiloqram diri çəkisi 10 manata, kəsilmiş şəkildə isə 20 manata satılır. Dana ətinin diri çəkisi bir kiloqrama görə həmin bölgələrdə 8 manat 50 qəpik, kəsilmiş formada isə 17 manat təşkil edir. Ekspertlər qeyd edir ki, bayram yaxınlaşdıqca tələbatın artması qiymətlərə müəyyən təsir göstərə bilər. Alıcılara qurbanlıq heyvan seçərkən diqqətli olmaq, heyvanın sağlamlıq vəziyyətini və çəki uyğunluğunu yoxlamaq tövsiyə olunur.

Oxumağa davam edin
Energetika İqtisadiyyat
Azərbaycan, Qazaxıstan və Özbəkistan “yaşıl” enerjinin Avropaya ixracı üçün birgə layihə üzərində işləyir
Azərbaycan, Qazaxıstan və Özbəkistan “yaşıl” enerjinin Avropaya ixracı üçün birgə layihə üzərində işləyir
  • May 13, 2026

Özbəkistan, Qazaxıstan və Azərbaycan Avropaya “yaşıl” enerji təchizatı ilə bağlı birgə layihə hazırlayır. GDP Media xəbər verir ki,ixracın 2030-cu ilədək başlaması planlaşdırılır. Məlumata görə,bu barədə Mərkəzi Asiya Süni İntellekt Assosiasiyasının rəhbəri Vladimir Norov açıqlama verib. Layihə çərçivəsində bərpa olunan enerji mənbələrindən istehsal olunan elektrik enerjisinin Avropa bazarına nəql edilməsi nəzərdə tutulur.

Oxumağa davam edin
İqtisadiyyat
BlackRock-dan birjalara növbəti bitkoin köçürməsi-müştərilər gəliri realizə edir
BlackRock-dan birjalara növbəti bitkoin köçürməsi-müştərilər gəliri realizə edir
  • May 13, 2026

Monitorinq xidmətlərinin məlumatına görə, dünyanın ən böyük aktiv idarəçilərindən biri olan BlackRock yenidən bitkoinləri birja platformalarına göndərib. GDP Media xəbər verir ki, bu, ETF sahiblərinin mövqelərini bağlamağa davam etdiyini göstərir. Son həftələrdə spot BTC ETF-lərinə ciddi vəsait axını müşahidə olunurdu. Lakin indi tendensiya dəyişir. Analitiklər bunu qeyri-müəyyənlik şəraitində müştərilərin mənfəət əldə etməsi və ya nağd pula keçidi kimi şərh edirlər. Hələlik bu, bazar üçün kritik siqnal sayılmır. Bununla belə, əgər tendensiya davam edərsə, bitkoinin qiymətinə təzyiq güclənə bilər.

Oxumağa davam edin
İqtisadiyyat
İKTA: Birinci rübdə poçt xidmətlərinə 2300-ə yaxın şikayət daxil olub
İKTA: Birinci rübdə poçt xidmətlərinə 2300-ə yaxın şikayət daxil olub
  • May 13, 2026

İnformasiya Kommunikasiya Texnologiyaları Agentliyi (İKTA) 2026-cı ilin birinci rübü üzrə poçt rabitəsi xidmətlərinə dair şikayət indeksi və şikayətlərin operatorlar tərəfindən orta cavablandırılma müddəti hesabatını dərc edib.Hesabat yanvar-mart aylarında “E-Şikayət” sistemi vasitəsilə poçt operatorlarına ünvanlanmış müraciətləri əhatə edir. GDP Media xəbər verir ki, şikayət indeksi hər operator üzrə şikayətlərin xüsusi çəkisinin bazar payına nisbəti əsasında hesablanır və xidmət keyfiyyətini əks etdirir. Operatorların cavabvermə səviyyəsi isə “E-Şikayət” sistemində təqdim edilən cavabların orta müddəti ilə qiymətləndirilir.İKTA bildirib ki, bu hesabat şəffaflığın artırılması, ictimai nəzarətin formalaşması və xidmət keyfiyyətinin yüksəldilməsi baxımından mühüm addımdır. Qeyd edək ki, “E-Şikayət” sistemi 2023-cü ilin noyabrında istifadəyə verilib, 2024-cü ilin aprelindən isə poçt rabitəsi ilə bağlı müraciətlərin qəbuluna başlanılıb. Sistemə bu günə qədər 2300-ə yaxın şikayət daxil olub.Agentlik vətəndaşlara çətinlik yarandıqda ilk növbədə xidmət təchizatçısının rəsmi əlaqə vasitələrinə, zərurət yaranarsa “mygov” platforması üzərindən “E-Şikayət” xidmətinə müraciət etməyi tövsiyə edir.

Oxumağa davam edin
Biznes İqtisadiyyat
İlkin Zeynallı Bolt-un Azərbaycan üzrə Baş meneceri təyin edilib
İlkin Zeynallı Bolt-un Azərbaycan üzrə Baş meneceri təyin edilib
  • May 13, 2026

Bolt şirkəti İlkin Zeynallının Azərbaycan üzrə Baş meneceri vəzifəsinə təyin olunduğunu elan edib. GDP xəbər verir ki, yeni təyinat şirkətin ölkədə növbəti inkişaf mərhələsini, innovasiya istiqamətlərini və yerli mobillik ekosisteminin gücləndirilməsini dəstəkləməyə yönəlib. Şirkətdən bildirilib ki, İlkin Zeynallı beynəlxalq şirkətlərdə satış, kommersiya əməliyyatları və strateji idarəetmə sahələrində uzunillik təcrübəyə malikdir. O, peşəkar fəaliyyətinə P&G şirkətində başlayıb, Azərbaycan, Qafqaz və Mərkəzi Asiya bazarları üzrə regional və beynəlxalq vəzifələrdə çalışıb. Daha sonra Türkiyədə regional ofisdə Kommersiya Əməliyyatları üzrə Baş Menecer vəzifəsində fəaliyyət göstərib, komanda olaraq rekord nəticələr əldə edib və fərdi qaydada 2 dəfə qlobal CEO mükafatına layiq görülüb.Bolt-a qoşulmazdan əvvəl İlkin Zeynallı Samsung Electronics şirkətində satış və kommersiya istiqamətlərinə rəhbərlik edib. Yeni vəzifəsində o, Bolt-un Azərbaycandakı fəaliyyətinin inkişafı, istifadəçi təcrübəsinin gücləndirilməsi, təhlükəsizlik və xidmət keyfiyyətinin artırılması, eləcə də yerli bazarın ehtiyaclarına uyğun innovativ həllərin tətbiqi istiqamətində çalışacaq. Şirkət həmçinin sürücü tərəfdaşları və istifadəçilər üçün daha dayanıqlı effektiv mobillik ekosistemi formalaşdırmağı hədəfləyir. İlkin Zeynallı bildirib: “Azərbaycan sürətlə inkişaf edən bazardır. Beynəlxalq təhsil və təcrübənin əsas üstünlüklərindən biri qlobal yanaşmaları lokallaşdıraraq ölkəyə dəyər qatmaq imkanıdır. Düşünürəm ki, innovasiya və texnologiyalar insanların gündəlik həyatını daha rahat və əlçatan etmək baxımından ölkəmizdə mühüm rol oynayacaq.”

Oxumağa davam edin
İqtisadiyyat
Alibaba-nın dördüncü rüb gəliri gözləntiləri qarşılamayıb
Alibaba-nın dördüncü rüb gəliri gözləntiləri qarşılamayıb
  • May 13, 2026

Çin internet ticarət nəhəngi Alibaba Group 2026-cı ilin dördüncü rübü üzrə maliyyə nəticələrini açıqlayıb. GDP Media xəbər verir ki, şirkətin rüblük gəliri 243,38 milyard yuan təşkil edərək, konsensus proqnozu olan 246,52 milyard yuanın altında qalıb.Bazar analitikləri bu durumu Çində istehlak tələbinin gözləniləndən ləng bərpası ilə əlaqələndirirlər. Kiçik görünən fərq, bununla belə, sərmayəçilərin diqqətini şirkərin əsas fəaliyyət sahələrinə – bulud hesablamaları (cloud) və elektron ticarətə yönəldib.Alibaba hazırda genişmiqyaslı yenidənqurma prosesini davam etdirir. Eyni zamanda şirkət Pinduoduo və Douyin kimi rəqiblərinin artan təzyiqi ilə üzləşir. Mütəxəssislər xəbərdarlıq edir ki, gəlirdəki geriləmə tendensiyaya çevrilərsə, bu, şirkətin marja göstəricilərinə təzyiqi artıra və səhmlərin geri alınması proqramını ləngidə bilər.

Oxumağa davam edin