Bz. May 31st, 2026
Bz. May 31st, 2026

Google-un yeni AI modeli veb-bazarını dəyişə bilər

Google şirkətinin yeni təqdim etdiyi neyron şəbəkə texnologiyası cəmi 30 dəqiqə ərzində təxminən 3,5 milyon rubl dəyərində peşəkar sayt hazırlayıb.

“GDP Media” xəbər verir ki, modelin bazara çıxmasından isə cəmi bir neçə gün keçir.

Məlumata görə, əvvəllər belə layihələrin hazırlanması üçün proqramçılar, dizaynerlər və marketinq mütəxəssislərindən ibarət komanda tələb olunurdusa, artıq bir nəfər və düzgün yazılmış promt kifayət edir.

Ekspertlər hesab edirlər ki, süni intellekt əsaslı bu cür texnologiyalar yaxın aylarda veb-inkişaf bazarında ciddi dəyişikliklər yaradacaq. Onların fikrincə, avtomatlaşdırılmış sayt hazırlama alətlərinin sürətlə yayılması bir sıra veb-studiyaların və frilanserlərin gəlirlərinə mənfi təsir göstərə, hətta bəzi şirkətlərin müflis olmasına səbəb ola bilər.

    • Əlaqədar Yazılar

    Digər Dünya
    Ermənistan və ABŞ arasında TRIPP layihəsi üzrə çərçivə sazişi yaxın həftələrdə imzalanacaq
    Ermənistan və ABŞ arasında TRIPP layihəsi üzrə çərçivə sazişi yaxın həftələrdə imzalanacaq
    • May 26, 2026

    Ermənistan və ABŞ arasında TRIPP layihəsi üzrə çərçivə sazişi yaxın həftələrdə imzalanacaq. “GDP Media” xəbər verir ki, bu barədə Ermənistanın xarici işlər naziri Ararat Mirzoyan açıqlama verib. Nazirin sözlərinə görə, sənədin mətni siyasi səviyyədə tam razılaşdırılıb. Hazırda isə hər iki ölkədə yekun texniki prosedurların tamamlanması prosesi davam edir. Bildirilib ki, hazırlıq çərçivəsində əlavə bir sıra sənədlərin, o cümlədən TRIPP şirkətinin nizamnaməsinin də imzalanması tələb olunur. A. Mirzoyan qeyd edib ki, layihəyə müxtəlif ölkələr və şirkətlər maraq göstərir.

    davamı
    Avto Digər
    Ferrari ilk tam elektrikli avtomobilini təqdim edib
    Ferrari ilk tam elektrikli avtomobilini təqdim edib
    • May 26, 2026

    Ferrari ilk tam elektrikli avtomobilini təqdim edib.Beşyerlik Luce avtomobili Ferrari üçün qeyri-adi sayılan futuristik dizayna malikdir. “GDP Media” xəbər verir ki, modelin dizaynı Apple Inc.-in keçmiş baş dizayneri Coni Ayv tərəfindən hazırlanıb. Avtomobilin maksimal sürəti saatda 310 km təşkil edir, 0-dan 100 km/saata isə cəmi 2,5 saniyəyə sürətlənir. Ferrari-nin strategiyasına əsasən, 2030-cu ilədək satılan modellərin 20%-i tam elektrikli olacaq. The Wall Street Journal yazır ki, Ferrari üçün zəif nöqtələrdən biri elektromobillərin təkrar satışı ola bilər. Belə ki, elektrik mühərrikli avtomobillər zaman keçdikcə dəyərini benzin mühərrikli maşınlarla müqayisədə daha çox itirir. İtaliya şirkəti üçün ikinci əl bazarı mühüm əhəmiyyət daşıyır, çünki Ferrari bildirir ki, istehsal etdiyi avtomobillərin təxminən 90%-i hələ də istismardadır.

    davamı