Bz. May 31st, 2026
Bz. May 31st, 2026

İlham Əliyev: Yeni qaz yatağından hasilata başlanılacaq

Azərbaycan Prezidenti mayın 18-də televiziyasına müsahibəsində Azərbaycanın enerji təhlükəsizliyi, bərpa-quruculuq prosesi və regional logistika imkanları ilə bağlı mühüm mesajlar verib.

Dövlət başçısı bildirib ki, Azərbaycan hazırda boru kəmərləri vasitəsilə qaz ixrac etdiyi ölkələrin sayına görə dünyada birinci yerdədir. Prezident həmçinin qeyd edib ki, Hörmüz boğazında yaranan gərginlik və mümkün təchizat zənciri riskləri Azərbaycana ciddi təsir göstərmir.

İlham Əliyev işğaldan azad edilmiş ərazilərdə həyata keçirilən genişmiqyaslı yenidənqurma işlərinə də toxunub. Prezident vurğulayıb ki, şəhər və kəndlərin sıfırdan inşası istiqamətində Azərbaycan unikal təcrübə formalaşdırıb. O qeyd edib ki, erməni işğalı dövründə həmin ərazilərin böyük dağıntılara məruz qalması bu addımları zəruri edib.

Prezidentin sözlərinə görə, mərhələli və bəzi hallarda paralel şəkildə həyata keçirilən layihələr nəticəsində beş il ərzində artıq 85 mindən çox insanın doğma torpaqlarına qayıdışı təmin olunub.

Müsahibədə enerji sektoru ilə bağlı yeni açıqlama da verilib. İlham Əliyev bildirib ki, gələn ayın əvvəlində yeni yataqdan qaz hasilatına başlanılması barədə ictimaiyyətə məlumat təqdim olunacaq.

    • Əlaqədar Yazılar

    Büdcə İqtisadiyyat
    Sahil Babayev: “Neft Fondundan transfertlər 300 milyon manat azalıb”
    Sahil Babayev: “Neft Fondundan transfertlər 300 milyon manat azalıb”
    • May 26, 2026

    Azərbaycanın maliyyə naziri Sahil Babayev bildirib ki, cari ilin ilk dörd ayında dövlət büdcəsinin gəlirləri 13,6 milyard manat təşkil edib. Bu göstərici ötən ilin eyni dövrü ilə müqayisədə təxminən 100 milyon manat çoxdur. “GDP Media”xəbər verir ki, AZƏRTAC və AzTV-yə eksklüziv müsahibəsində nazir qeyd edib ki, həm Dövlət Vergi Xidməti, həm də Dövlət Gömrük Komitəsi xətti ilə daxilolmalarda artım və proqnoz göstəricilərinin üstələnməsi müşahidə olunub. Sahil Babayev vurğulayıb ki, dövlət büdcəsinin neft gəlirlərindən asılılığının azaldılması istiqamətində mühüm nəticələr əldə edilib. Onun sözlərinə görə, cari ilin ilk dörd ayında Dövlət Neft Fondundan büdcəyə transfertlərin həcmi ötən ilin analoji dövrü ilə müqayisədə təxminən 300 milyon manat azalıb. Nazir bildirib ki, Neft Fondundan transfertlərin azaldılması hökumətin əsas fiskal prioritetlərindən biridir və bu istiqamətdə əldə olunan nəticələr müsbət tendensiyanın göstəricisidir. O əlavə edib ki, icmal büdcənin gəlirləri təxminən 16 milyard manat, xərcləri isə 12 milyard manat təşkil edib. İcmal büdcədə yaranan profisitin əsas hissəsi Dövlət Neft Fondunun gəlirlərindən formalaşıb. Sahil Babayev qeyd edib ki, büdcə göstəricilərinin uğurlu icrası Azərbaycanın makrofiskal sabitliyini və maliyyə dayanıqlılığını bir daha təsdiqləyir.

    davamı
    İqtisadiyyat
    “Expressbank” səhmdarlarına 11 milyon manata yaxın dividend ödəyib
    “Expressbank” səhmdarlarına 11 milyon manata yaxın dividend ödəyib
    • May 26, 2026

    “Expressbank” ASC 2025-ci ilin maliyyə nəticələri əsasında səhmdarlarına 10,814 milyon manat dividend ödəyib. “GDP Media” bu barədə Banka istinadən xəbər verir.Məlumata görə, bu, 2024-cü illə müqayisədə 24,8 % çoxdur.Xatırladaq ki, “Expressbank” 1989-cu ildə “Azərnəqliyyatbank” adı ilə fəaliyyətə başlayıb, 2010-cu ildə rebrendinq edib. Onun nizamnamə kapitalı 112,545 milyon manatdır. Bankın səhmlərinin 48,8 %-i “Azenco Group”a, 30,8 %-i “Enerqoservis” MMC-yə, 20 %-i Hafiz Seyidova, 0,4 %-i Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinə məxsusdur.

    davamı