Evlərin maya dəyəri artır. Buna görə də, satış qiymətləri yüksəlir. Son bir ildə evlərin tikintisinə çəkilən xərclər azı 10 faiz artıb və bu, paytaxtda mənzillərin son bir neçə ildə kəskin bahalaşmasına təsir göstərib.

Ekspertlərin sözlərinə görə, mənzil bazarında qiymət artımı yaxın zamanda da davam edəcək. Bunun əsas səbəblərindən biri tikinti xərclərinin ildən-ilə artmasıdır. Xüsusilə də, böyük şəhərlərdə torpaq sahələrinin məhdudluğu da tikintinin maya dəyərinə birbaşa təsir göstərir.

Elnur Fərzəliyev onu da bildirib ki, çoxmərtəbəli binalardakı mənzillərlə yanaşı fərdi yaşayış evlərinin də qiyməti artıb.Ekspert onu da əlavə edib ki, köhnə binalar sökülən zaman sakinlərə verilən yeni evlərin əlavə xərcləri də tikintinin maya dəyərini artıran səbəblərdəndir.