ABŞ rəsmi olaraq xam neft ixracına görə dünyanın ən böyük ixracatçısı mövqeyinə yüksələrək bu sahədə uzun illər lider olan Səudiyyə Ərəbistanını geridə qoyub.

GDP Media xəbər verir ki, buna səbəb son illərdə ABŞ-da şist nefti hasilatının sürətlə artırılması, həmçinin ixrac infrastrukturunun əhəmiyyətli dərəcədə genişləndirilməsi olub.

Ekspertlər hesab edirlər ki, bu dəyişiklik qlobal neft bazarında ABŞ-ın rolunu daha da gücləndirəcək. Belə ki, Amerika nefti dünya bazarında tələb və təklif balansının formalaşmasında əsas amillərdən birinə çevrilir. Bu isə istehlakçı ölkələrin OPEC+ qərarlarından asılılığını müəyyən qədər azalda və qlobal enerji bazarında rəqabəti gücləndirə bilər.

Bununla yanaşı, ABŞ-ın ixrac imkanlarının genişlənməsi neft qiymətlərinin formalaşmasına təsirin artmasına və bazarda geosiyasi risk amilinin zəifləməsinə səbəb ola bilər.