Apple WWDC-də yeni nəsil süni intellekt və əməliyyat sistemlərini təqdim etdi

“GDP Media” xəbər verir ki, ABŞ-ın texnologiya nəhəngi Apple bu il keçirilən WWDC konfransında yenilənmiş Siri, iOS 27 və macOS 27 Golden Gate əməliyyat sistemlərini nümayiş etdirib. Həmçinin şirkət bir sıra digər məhsulları da təqdim edib.

Ekspertlərin fikrincə, şirkətin səhmləri ənənəvi olaraq yeni məhsulların təqdimatı zamanı düşür, çünki bazar əvvəlcədən gözləntiləri qiymətə daxil edir, tədbir zamanı isə investorlar mənfəət realizə edirlər. Açıqlamalar adətən təqdimat günü üçün qiymət artımına səbəb olmur, yalnız sürpriz və rəqabət üstünlüyü yarada biləcək yeniliklər bazarda ciddi təsir göstərə bilər.

Əsas sual isə budur ki, Apple süni intellekti öz ekosisteminə nə qədər dərin inteqrasiya edəcək. Analitiklər hesab edirlər ki, əgər yeniliklər əhəmiyyətli irəliləyiş kimi qiymətləndirilsə, qısa müddətli satış təzyiqi bir neçə gün ərzində bərpa ilə əvəz oluna bilər.