2026-cı ilin yanvar-aprel aylarında qeyri-neft sektoru üzrə qeyri-dövlət ixracatçıları arasında ən yüksək göstərici qızıl və mis istehsalçısı “AIMKL”nin Azərbaycan Respublikasındakı nümayəndəliyi (Azərbaycan Beynəlxalq Dağ-Mədən Şirkəti Limited Təmsilçiliyi) tərəfindən qeydə alınıb.

“GDP Media” İqtisadi İslahatların Təhlili və Kommunikasiya Mərkəzinin “İxrac icmalı”na istinadən xəbər verir ki, şirkətin ixracı cari ilin ilk 4 ayında 121,1 milyon ABŞ dolları təşkil edib.

2025-ci ilin eyni dövründə bu göstərici 27,9 milyon ABŞ dolları idi. Beləliklə, “AIMKL”nin ixracı illik müqayisədə 93,2 milyon dollar və ya təxminən 334,1% artıb.

Bu nəticə şirkətin ixrac həcminin bir il ərzində 4,3 dəfə yüksəldiyini göstərir.