ABŞ-da əvvəlki administrasiyalar dövründə haqsız təqiblərə məruz qaldığını bildirən şəxslərə kompensasiya ödənilməsi üçün 1,8 milyard dollarlıq xüsusi fondun yaradılması müzakirə olunur.

GDP Media xəbər verir ki, CNN-in mənbələrə istinadən yaydığı məlumata görə, fondun yaradılması ideyası Donald Trampın hüquqşünasları ilə ABŞ Ədliyyə Nazirliyi arasında aparılan danışıqlar çərçivəsində gündəmə gəlib. Müzakirələr Trampın ABŞ Vergi Xidmətinə qarşı qaldırdığı 10 milyard dollarlıq iddianın mümkün nizamlanması ilə əlaqədardır.Məlumata əsasən, fond vasitəsilə əvvəlki administrasiyalar, o cümlədən Co Bayden dövründə haqsız hüquqi və inzibati təzyiqlərlə üzləşdiyini iddia edən şəxslərə kompensasiyaların ödənilməsi nəzərdə tutulur.CNN qeyd edir ki, razılaşmanın detalları hələ yekunlaşdırılmayıb. Bununla belə, fondun yaradılması ilə bağlı rəsmi açıqlamanın artıq bu həftə verilə biləcəyi istisna olunmur.