Bz. May 31st, 2026
Bz. May 31st, 2026

Banklar Yermakın girov pulunu götürmür

Ukraynada banklar ölkə Prezident Ofisinin sabiq rəhbəri Andrey Yermakın azadlığa buraxılması üçün tələb olunan girov məbləğini qəbul etməkdən imtina edirlər.

GDP Media xəbər verir ki, bu barədə məlumatı sabiq məmurun vəkili İqor Fominə istinadən Ukraynanın “Strana.ua” nəşri yayıb.

Vəkilin sözlərinə görə, banklar maliyyə monitorinqi yoxlamaları və bununla bağlı yarana biləcək risklərdən ehtiyat etdikləri üçün bu ödənişləri həyata keçirmirlər.

Xatırladaq ki, mayın 14-də Ukrayna Ali Antikorrupsiya Məhkəməsi Yermak barəsində 60 sutka müddətinə həbs qətimkan tədbiri seçib. Qərara əsasən, o, 140 milyon qrivna (təxminən 3,1 milyon dollar) girov ödəyəcəyi təqdirdə azadlığa buraxıla bilər. Lakin Yermak məhkəmədə bu qədər vəsaitinin olmadığını bəyan edib. Hazırda girov məbləğinin toplanması və ödənilməsi prosesində ciddi çətinliklər yaranıb.

Qeyd edək ki, mayın 11-də Ukrayna Milli Antikorrupsiya Bürosu (NABU) və Xüsusi Antikorrupsiya Prokurorluğu (SAP) Andrey Yermaka qarşı rəsmi ittiham irəli sürüb. O, Kiyev vilayətində elit kottec qəsəbəsinin inşası zamanı 460 milyon qrivna (təxminən 10,4 milyon dollar) mənimsəməkdə və yuyulmasında ittiham olunur. Müstəntiqlərin rəyinə görə, müharibə başladıqdan sonra kotteclərin tikintisi nəinki dayanmayıb, əksinə, daha da sürətlənib.

    • Əlaqədar Yazılar

    Digər Dünya
    Ermənistan və ABŞ arasında TRIPP layihəsi üzrə çərçivə sazişi yaxın həftələrdə imzalanacaq
    Ermənistan və ABŞ arasında TRIPP layihəsi üzrə çərçivə sazişi yaxın həftələrdə imzalanacaq
    • May 26, 2026

    Ermənistan və ABŞ arasında TRIPP layihəsi üzrə çərçivə sazişi yaxın həftələrdə imzalanacaq. “GDP Media” xəbər verir ki, bu barədə Ermənistanın xarici işlər naziri Ararat Mirzoyan açıqlama verib. Nazirin sözlərinə görə, sənədin mətni siyasi səviyyədə tam razılaşdırılıb. Hazırda isə hər iki ölkədə yekun texniki prosedurların tamamlanması prosesi davam edir. Bildirilib ki, hazırlıq çərçivəsində əlavə bir sıra sənədlərin, o cümlədən TRIPP şirkətinin nizamnaməsinin də imzalanması tələb olunur. A. Mirzoyan qeyd edib ki, layihəyə müxtəlif ölkələr və şirkətlər maraq göstərir.

    davamı
    Avto Digər
    Ferrari ilk tam elektrikli avtomobilini təqdim edib
    Ferrari ilk tam elektrikli avtomobilini təqdim edib
    • May 26, 2026

    Ferrari ilk tam elektrikli avtomobilini təqdim edib.Beşyerlik Luce avtomobili Ferrari üçün qeyri-adi sayılan futuristik dizayna malikdir. “GDP Media” xəbər verir ki, modelin dizaynı Apple Inc.-in keçmiş baş dizayneri Coni Ayv tərəfindən hazırlanıb. Avtomobilin maksimal sürəti saatda 310 km təşkil edir, 0-dan 100 km/saata isə cəmi 2,5 saniyəyə sürətlənir. Ferrari-nin strategiyasına əsasən, 2030-cu ilədək satılan modellərin 20%-i tam elektrikli olacaq. The Wall Street Journal yazır ki, Ferrari üçün zəif nöqtələrdən biri elektromobillərin təkrar satışı ola bilər. Belə ki, elektrik mühərrikli avtomobillər zaman keçdikcə dəyərini benzin mühərrikli maşınlarla müqayisədə daha çox itirir. İtaliya şirkəti üçün ikinci əl bazarı mühüm əhəmiyyət daşıyır, çünki Ferrari bildirir ki, istehsal etdiyi avtomobillərin təxminən 90%-i hələ də istismardadır.

    davamı