Be. İyn 1st, 2026
Be. İyn 1st, 2026

“AZINCLOUD” yerli bulud xidməti istifadəçilərə xərcləri optimallaşdırmaq imkanı verir

Azərbaycanın ilk ictimai bulud platforması “AZINCLOUD” bizneslərə ilkin sərmayə tələb etmədən, “istifadə etdiyin qədər ödə” (Pay-as-you-go) modeli ilə İT xərclərini azaltmağa imkan yaradır.

GDP Media xəbər verir ki, platforma müştərilərə yalnız istifadə olunan resurslara görə ödəniş etmək imkanı təqdim edir. Abunəçi bank kartı detallarını sistemə bir dəfə qeyd etməklə, hər ayın sonunda avtomatik ödəniş edilir. İstifadəçilər şəxsi hesabları vasitəsilə ödəniş tarixçəsini maneəsiz izləyə bilirlər.Platformanın interfeysi tamamilə Azərbaycan dilindədir, bütün xidmətlər isə manatla təqdim olunur. Bu yanaşma əlavə bank komissiyalarını aradan qaldırır. Bundan başqa, istifadəçilər istənilən vaxt abunəliyini sonlandırma hüququna malikdirlər.“AZINCLOUD” yerli sahibkarların İT xərclərini optimallaşdırmaq və rəqəmsal infrastruktur qurmaq üçün əlverişli həll yolu kimi təqdim olunur.

    • Əlaqədar Yazılar

    İqtisadiyyat Neft-qaz
    SOCAR “Uzbekneftegaz” şirkəti ilə əməkdaşlıq perspektivlərini müzakirə edib
    SOCAR “Uzbekneftegaz” şirkəti ilə əməkdaşlıq perspektivlərini müzakirə edib
    • İyun 1, 2026

    İyunun 1-də Bakı Enerji Həftəsi çərçivəsində SOCAR-ın prezidenti Rövşən Nəcəf Özbəkistanın “Uzbekneftegaz” şirkətinin İdarə Heyətinin sədri Abduqani Sanginov ilə görüşüb. “GDP Medxəbər verir ki, bu barədə SOCAR məlumat yayıb.Görüşdə Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyev tərəfindən müəyyənləşdirilən siyasətə uyğun olaraq, iki ölkə arasında enerji sektorunda əlaqələrin inkişafından məmnunluq ifadə olunub. Bu xüsusda, SOCAR-la “Uzbekneftegaz” arasında əməkdaşlığın genişləndirilməsi istiqamətində atılan addımlar qeyd olunub.Söhbət zamanı Bakı Enerji Həftəsinin regionda enerji məsələlərinin müzakirə olunduğu mühüm platforma kimi əhəmiyyəti vurğulanıb. Eləcə də cari ilin ötən ayında “Özbəkistanın nefti və qazı” 28-ci beynəlxalq sərgi-konfransı çərçivəsində keçirilən görüşlərin, həmçinin bp şirkətinin “Üstyurt” investisiya bloklarının kəşfiyyatı, işlənməsi və hasilatı üzrə Pay Bölgüsü Sazişinə qoşulmasının önəmi diqqətə çatdırılıb, layihə çərçivəsində görüləcək işlər və gələcək əməkdaşlıq perspektivləri nəzərdən keçirilib, qarşılıqlı maraq doğuran digər məsələlər ətrafında fikir mübadiləsi aparılıb.

    davamı
    İqtisadiyyat
    SoftBank kapitallaşmaya görə Toyota Motor Corporation-ı geridə qoydu
    SoftBank kapitallaşmaya görə Toyota Motor Corporation-ı geridə qoydu
    • İyun 1, 2026

    SoftBank Group kapitallaşma həcminə görə Toyota Motor Corporation şirkətini geridə qoyaraq Yaponiyanın ən böyük şirkətinə çevrilib. “GDP Media” xəbər verir ki, investisiya və texnologiya sahəsində fəaliyyət göstərən SoftBank-ın səhmləri bazar ertəsi keçirilən hərracların yekununda 14% bahalaşaraq tarixi maksimum səviyyəyə yüksəlib. Eyni zamanda, Toyota-nın səhmləri 4,5% dəyər itirib. Nəticədə SoftBank-ın bazar dəyəri 47,2 trilyon yenə (296 milyard dollar) çatıb. Toyota-nın kapitallaşması isə 45,7 trilyon yenə qədər geriləyib. Qeyd edək ki, Toyota son 20 ildən artıq müddətdə Yaponiyanın bazar dəyərinə görə ən böyük şirkəti statusunu qoruyurdu. Lakin süni intellekt sahəsində fəaliyyət göstərən şirkətlərə marağın artması SoftBank səhmlərinə tələbi əhəmiyyətli dərəcədə artırıb. Şirkətin OpenAI-a, o cümlədən ChatGPT platformasının yaradıcısına iri investor olması da səhmlərin bahalaşmasına təsir edən əsas amillərdən biri kimi qiymətləndirilir. Məlumata görə, SoftBank səhmlərinin qiyməti cari ilin əvvəlindən etibarən demək olar ki, iki dəfə artıb.

    davamı