“AzerTelecom” Ermənistanın “Telecom Armenia” şirkəti ilə beynəlxalq internet trafikinin tranzit və təchizatına dair ikitərəfli razılaşma bağlayıb.

“GDP Media”xəbər verir ki, saziş regionda marşrutların diversifikasiyasına və şəbəkə etibarlılığının artırılmasına xidmət edir. “AzerTelecom” bu addımla öz infrastrukturu üzərindən Ermənistan istiqamətində trafik tranzitini təmin edəcək və beynəlxalq əhatə dairəsini genişləndirəcək.

Qeyd edək ki, şirkət “Rəqəmsal İpək Yolu” layihəsinin icraçısıdır və “NEQSOL Holding”ə daxil olan “Azerconnect Group”un tərkib hissəsidir.