Dövlət Statistika Komitəsində yeni Dövlət Proqramının icrası ilə bağlı İşçi qrupun ilk iclası keçirilib.

“GDP Media” xəbər verir ki, iclasda Prezident İlham Əliyevin 25 dekabr 2025-ci il tarixli Sərəncamı ilə təsdiq edilmiş “Azərbaycan Respublikasında rəsmi statistikanın inkişafına dair 2026–2030-cu illər üçün Dövlət Proqramı”nın icrası müzakirə olunub.

Komitənin sədri Azər Mursaqulov qeyd edib ki, dəqiq, etibarlı və obyektiv rəsmi statistika doğru qərarların verilməsinin təməlidir. O, inzibati məlumatlardan daha geniş istifadə edilməsinin vacibliyini vurğulayıb.

Sədrin müavini Yusif Yusifov isə proqramda nəzərdə tutulmuş tədbirlər, monitorinq və nəticə indikatorları barədə təqdimat edib.İclasda qurumlararası əməkdaşlıq, məlumat mübadiləsinin təkmilləşdirilməsi və qarşıda duran vəzifələr ətrafında fikir mübadiləsi aparılıb.