Azərbaycan İnvestisiya Holdinqində Morgan Stanley bankının İnkişaf etməkdə olan bazarlar üzrə direktoru Gergey Vuhruşun rəhbərlik etdiyi nümayəndə heyəti ilə görüş baş tutub.

GDP xəbər verir ki, görüşdə maliyyə və investisiya sahələrində əməkdaşlıq perspektivləri, birgə təşəbbüs və layihələr üzrə potensial tərəfdaşlıq imkanları müzakirə edilib. Həmçinin tərəflər qarşılıqlı maraq doğuran digər məsələlər ətrafında fikir mübadiləsi aparıblar.